امەريكا قۇراما شتاتتارى شاقىرعان سيرياداعى جاعدايعا ارنالعان ءتورتىنشى جيىن جەنەۆادا ءوتتى, دەپ حابارلايدى Egemen.kz.
سيرياعا قاتىستى جيىن بۇۇ-نىڭ شتاب-پاتەرىندە 13 ەلدىڭ وكىلدەرىنىڭ قاتىسۋىمەن وتكىزىلدى.
كەزدەسۋگە اقش مەملەكەتتىك حاتشىسى كومەكشىسىنىڭ سيريا, يوردانيا جانە ليۆان بويىنشا ورىنباسارى ەتان گولدريح توراعالىق ەتتى.
كاتار سىرتقى ىستەر مينيسترلىگىنىڭ حابارلاۋىنشا, ايماقتىق ىستەر ءمينيسترىنىڭ ورىنباسارى مۇحاممەد بين ابدۋلازيز سيريا حالقىنىڭ 10 جىلدان استام ۋاقىت بويى جالعاسىپ كەلە جاتقان قاسىرەتىن توقتاتۋعا بەل بايلاعانىن ءبىلدىردى.
ول بريۋسسەلدە وتكەن سيريا بويىنشا ءۇشىنشى وتىرىستا ىلگەرىلەۋشىلىك بولماعانىن اتاپ ءوتتى.
گەرمانيانىڭ سيريا جونىندەگى وكىلى ستەفان شنەك وسى اراب ەلىندەگى گۋمانيتارلىق جاعدايدىڭ ناشارلاۋىنا قاراماستان سيرياداعى داعدارىستىڭ ساياسي رەتتەلۋى ءۇشىن كۇش سالۋعا نيەتتى ەكەنىن ايتتى.
كەزدەسۋگە قاتىساتىن ەلدەر تۋرالى اقپارات تۇسكەن جوق.