قىرعىز رەسپۋبليكاسىنىڭ سىرتقى ىستەر مينيسترلىگى قازاقستان ۇقك اسكەري قىزمەتكەرلەرى قىرعىزستاندىق ازاماتتى ۇستادى دەگەن اقپاراتقا تۇسىنىكتەمە بەردى, دەپ حابارلايدى Egemen.kz.
قىرعىز رەسپۋبليكاسىنىڭ الماتىداعى باس كونسۋلدىعىنىڭ مالىمەتىنشە, 1988 جىلى تۋعان ىستىقكول وبلىسى ءتۇپ اۋدانىنىڭ ازاماتى شەكارا ماڭىندا ۇستالعان. ول مال باعۋمەن اينالىسقان.
«بۇل ازامات قىرعىز-قازاق مەملەكەتتىك شەكاراسىن زاڭسىز كەسىپ وتكەنى ءۇشىن ۇستالىپ, قاسكەلەڭ قالاسىنداعى الماتى وبلىسىنا قاراستى №1 ارنايى ۋاقىتشا ۇستاۋ اباقتىسىنا قامالدى», دەپ جازىلعان قىرعىز رەسپۋبليكاسىنىڭ ءسىم تاراتقان حابارلاماسىندا.
قازىر قىرعىز رەسپۋبليكاسىنىڭ باس كونسۋلدىعى وعان قۇقىقتىق كومەك كورسەتىپ جاتىر.