«ەگەمەن قازاقستان» گازەتىنىڭ 2013 جىلعى 24 قاڭتارداعى №16 سانىندا باسىلىمىمىزدىڭ پاۆلودار وبلىسى بويىنشا مەنشىكتى ءتىلشىسى فاريدا بىقايدىڭ «تۇرعىندار اڭ-تاڭ...» اتاۋىمەن شاعىن ماقالاسى جارىق كورگەن بولاتىن. وسىعان وراي پاۆلودار وبلىسى اكىمدىگىنەن جاۋاپ كەلدى.
وندا بىلاي دەلىنەدى: «ماقالا بويىنشا ەرتىس اۋدانى اكىمدىگىنەن اقپارات بەرۋدى تالاپ ەتتىك. گازەتتە كوتەرىلگەن ماسەلەگە قاتىستى ەرتىس اۋدانى اكىمدىگى مىناداي انىقتاما جولدادى: «2013 جىلى ەرتىس اۋىلىنىڭ ورتالىق الاڭى مەن اللەياسىن جاڭعىرتۋ بويىنشا جوبالىق-سمەتالىق قۇجاتتاما ازىرلەندى. اۋداننىڭ ورتالىق الاڭى مەن اللەياسىن جاڭعىرتۋ بويىنشا جينالىس ءوتتى. بۇل جينالىسقا جەرگىلىكتى اتقارۋشى بيلىك وكىلدەرى, اۋداندىق ءماسليحات دەپۋتاتتارى, ەرتىس اۋدانىنىڭ قۇرمەتتى ازاماتتارى, زەينەتكەرلەر قاتىستى. جينالىستا «لەنين ەسكەرتكىشىن كوشىرۋ تۋرالى» شەشىم قابىلدانعان. قازىرگى تاڭدا لەنين ەسكەرتكىشىنىڭ ورنىنا بمپ (تانك) ورناتىلعان. بۇل تانك اكىمدىك الدىنا ۋاقىتشا قويىلعان. قازىرگى تاڭدا بمپ-نىڭ ورنىنا قاجىمۇقان نەمەسە «ءبايتەرەك» ەسكەرتكىشىن ورناتۋ بويىنشا قارجىلاندىرۋ ماسەلەسى شەشىلىپ جاتىر».