اتىراۋلىق سوعىس ارداگەرى الەكساندر پوگاداەۆتى قايتادان «ءتىرىلدى» دەۋگە ابدەن بولادى. ويتكەنى, ول بۇدان 13 جىل بۇرىن ولىلەر تىزىمىنە ەنگىزىلگەن ەكەن. مۇنى ارداگەردىڭ نەمەرەسى ولگا سبيتنەۆا حالىققا قىزمەت ەتۋ ورتالىعىنا بارعاندا بىلگەن. وعان اتاسىنىڭ 2001 جىلدان بەرى ولىلەر تىزىمىندە ەكەنى حابارلانعان.
– قاتەلىك كەتكەن عوي. ونى تۇزەتۋ ءۇشىن اتامىزدىڭ ءتىرى ەكەنىن كۋالاندىراتىن مەديتسينالىق انىقتامانى ءتيىستى ورىندارعا تاپسىردىق. جاقىندا ءبىز اتامىزدىڭ كەز كەلگەن انىقتامانى الۋىنا تولىق مۇمكىندىك جاسالعانى تۋرالى جاقسى حابار الدىق, – دەيدى سوعىس ارداگەرىنىڭ نەمەرەسى ولگا سبيتنەۆا.
الەكساندر پوگوداەۆ ەكىنشى دۇنيەجۇزىلىك سوعىستا وتانىن جاۋدان قورعاسا, بەيبىت ومىردە قوعام تىنىشتىعىن كۇزەتتى. ىشكى ىستەر قىزمەتىنەن زەينەتكە شىققان وتستاۆكاداعى پولكوۆنيك بۇل كۇندەرى «فرونتوۆيچكا» ەڭبەك ارداگەرلەرى حورىنىڭ بەلدى ءمۇشەسى اتانىپ ءجۇر. ارداگەر 2004 جىلى جاڭادان جەكە كۋالىك پەن شەتەلدىك ءتولقۇجات, ال, 2013 جىلى جاڭا پاتەر الىپتى.
شىندىعىندا, 2001 جىلى ولىلەر تىزىمىنە ەنگىزىلگەن سوعىس ارداگەرىنە جەكە باسىن كۋالاندىراتىن قۇجاتتار مەن جاڭا پاتەر قالاي بەرىلگەن؟ بۇل ساۋالداردىڭ ازىرگە جاۋابى تابىلماي تۇر.
جولداسبەك شوپەعۇل,
«ەگەمەن قازاقستان».
اتىراۋ وبلىسى.