اتاقتى شاحماتشى, «ۋفيمتسەۆ قورعانىسىنىڭ» اۆتورى اناتولي ۋفيمتسەۆتىڭ تۋعانىنا بيىل 100 جىل تولدى. ونىڭ قۇرمەتىنە قوستاناي قالاسىنىڭ ورتالىعىنداعى شاحمات كلۋبىنىڭ قابىرعاسىنا ەسكەرتكىش تاقتا ءىلىندى. بۇل تۋرالى egemen.kz ءتىلشىسى حابارلادى.
تاقتادا «وسى شاحمات كلۋبىندا حح عاسىردىڭ 1987-2000 جىلدارى ارالىعىندا كورنەكتى شاحمات تەورەتيگى, قوستاناي قالاسىنىڭ قۇرمەتتى ازاماتى اناتولي گاۆريلوۆيچ ۋفيمتسەۆ ءوز تاجىريبەسىن ورتاعا سالدى. 11.05.1914—02.07.2000» دەپ جازىلعان جازۋ بار.
ەسكەرتكىش تاقتانىڭ پەردەسىن سىپىرۋ قۇرمەتىنە وبلىس اكىمى نۇرالى سادۋاقاسوۆ پەن سوعىس جانە سپورت ارداگەرى ماعاۋيا يۋنۋسوۆ يە بولدى.
اتاقتى شاحماتشى اناتولي ۋفيمتسەۆ قازاقستاننىڭ 11 مارتە چەمپيونى بولعان. سونىمەن قاتار اتاقتى گروسسمەيستەرلەر پەتروسيانمەن, سپاسسكيمەن شارشى تاقتادا كۇش سىناسقان. ولاردى جەڭگەن كەزدەرى دە بولعان. ونىڭ ارتىندا «ۋفيمتسەۆ قورعانىسى» اتتى كەرەمەت تەوريا قالدى. بۇل تەوريا كەيىنگى جىلدارى «پيرتس-ۋفيمتسەۆ قورعانىسى» دەپ تە ايتىلىپ ءجۇر.
قوستانايدا بيىل شاحمات تەورەتيگىنىڭ 100 جىلدىعىنا وراي بىرنەشە شاحمات جارىستارى وتەدى.
ءنازيرا جارىمبەتوۆا.
دەرەككوز: egemen.kz.
فوتو: vesti.kz.