شىمكەنت. 12 مامىر. وڭتۇستىك قازاقستان وبلىسى اكىمدىگىنىڭ باستاماسىمەن ۇستىمىزدەگى جىلعى مامىر ايىنىڭ باسىندا وبلىس كاسىپكەرلەرى ورتا ازيانىڭ مالايزيا, يندونەزيا, وڭتۇستىك كورەيا سەكىلدى ەلدەرىنە ارنايى ىسساپارمەن بارىپ قايتتى. بۇل تۋرالى وبلىس اكىمىنىڭ ءباسپاسوز قىزمەتى حابارلادى.
ساپار اياسىندا مالايزيا استاناسى كۋالا-لۋمپۋردە «وڭتۇستىك قازاقستان وبلىسىنىڭ ينۆەستيتسيالىق مۇمكىندىكتەرى» اتتى بيزنەس-فورۋم ۇيىمداستىرىلدى. اتالعان شاراعا وبلىستان 20-دان استام قۇرىلىم قاتىسسا, مالايزيالىق 40-تان استام كومپانيا فورۋم جۇمىسىندا بەلسەندىلىك تانىتتى. ونىڭ قورىتىندىسىمەن وتاندىق كاسىپكەرلەر ماشينا جاساۋ, فارماتسەۆتيكا, اۋىل شارۋاشىلىعى, تۋريزم سالالارى بويىنشا مالايزيالىق ارىپتەستەرىمەن كەلىسسوزدەر جۇرگىزىپ, ورتاق مەموراندۋمعا قول قويدى. اتاپ ايتقاندا, ۆ2ۆ فورماتىندا وتكەن كەزدەسۋدە «شىمكەنت قۇس» جشس مالايزيالىق «Marditech» كورپوراتسياسىمەن بىرلەسە ومەگا-3 مايلى قىشقىلمەن بايىتىلعان تاۋىق جۇمىرتقاسىن ءوندىرۋ جانە حالال ستاندارتتارىنا سايكەس قۇس ەتىن ءوندىرۋ جوبالارىرىن ىسكە اسىرۋعا كەلىسىمگە كەلدى. جوبانىڭ قۋاتتىلىعى جىلىنا 5 مىڭ توننا ەكسپورتقا باعىتتالعان ءونىم بولماق.
سونىمەن قاتار, وڭتۇستىكتە حالال ونىمدەرىن شىعارۋ جوباسى مالايزيالىق كاسىپكەرلەردى ايرىقشا قىزىقتىردى. جۇرگىزىلگەن كەلىسسوزدەر بارىسىندا جەرگىلىكتى «قايىپ اتا», «شىمكەنت يننوۆاتسيا» جشس وڭتۇستىك قازاقستان وبلىسى كاسىپكەرلەر پالاتاسى مەن «Marditech» كومپانياسى اراسىندا حالال ونىمدەرىن شىعارۋ جونىندە كوپجاقتى مەموراندۋم ءتۇزىلدى. ماسەلەن, «قايىپ اتا» جشس مالايزيالىق «Exim Bank» ارقىلى قارجىلاندىرىلداتىن 10 ملن اقش دوللارى كولەمىندە 10 مىڭ باس ءىرى قارا مال اسىراۋ جونىندە كەلىسىمگە قول قويدى. ال شىمكەنت ماڭىنداعى 18 گا اۋماققا دەمالىس اۋماعىن سالۋ جونىندە «كوكتەرەك» ءساناتوريى» جشس مەن «Urbanisma» كورپوراتسياسى اراسىندا قۇنى 10 ملن اقش دوللارىن قۇرايتىن جوباعا قول قويىلدى. وسى كومپانيا تۇركىستان قالاسىندا 100 ورىندىق قوناق ءۇيىن سالۋعا دا قىزىعۋشىلىق تانىتۋدا.
مۇرات ايتقوجا.
دەرەككوز: egemen.kz.
فوتو: ru.ontustik.gov.kz.