استانا. 12 مامىر. 21 مامىردا استانادا «استانا-ينۆەست-2014» V حالىقارالىق ينۆەستيتسيالىق فورۋمى وتەدى. بۇل تۋرالى egemen.kz ءتىلشىسى حابارلادى.
بۇل جيىن وسىعان دەيىن حابارلاعانىمىزداي, 21-23 مامىر ارالىعىندا وتەتىن VII استانا ەكونوميكالىق فورۋمى اياسىندا ۇيىمداستىرىلعالى وتىر.
«استانا-ينۆەست» فورۋمى ۇكىمەتتىڭ قولداۋىمەن جانە تىكەلەي ىقپال ەتۋىمەن جىل سايىن وتكىزىلىپ كەلەدى. مۇنى قولعا الۋداعى نەگىزگى ماقسات – استانانى دامىتۋ, وعان ينۆەستيتسيالار تارتۋ, حالىقارالىق ىنتىماقتاستىقتى ارتتىرۋ جانە قالانىڭ تارتىمدىلىعىن ناسيحاتتاۋ. ناقتىلاي ايتقاندا, ەلوردانىڭ ينۆەستيتسيالىق مۇمكىندىكتەرىن كورسەتە وتىرىپ, وتاندىق جانە شەتەلدىك كومپانيالاردى ينۆەستيتسيا قۇيۋعا ىنتالاندىرۋ كوزدەلگەن.
فورۋمعا 400-گە جۋىق ادام قاتىسپاق. ولاردىڭ اراسىندا ۇلتتىق كومپانيالاردىڭ, دامۋ ينستيتۋتتارىنىڭ, شەتەلدىك كومپانيالار مەن قارجىلىق قۇرىلىمداردىڭ وكىلدەرىمەن قاتار, استانالىق كاسىپكەرلەر دە بولادى.
بۇل باسقوسۋدا ەxpo-2017 حالىقارالىق كورمەcىy وتكىزۋگە ەلوردا ينفراقۇرىلىمىن دايىنداۋ مەن بىرقاتار وزگە دە ماسەلەلەر كۇن تارتىبىنە شىعارىلادى.
بۇدان بولەك, فورۋمعا قاتىسۋشىلار قالانىڭ يندۋستريالدىق پاركىن كورۋ كەزىندە ينۆەستيتسيالىق جوبالارمەن دە كەڭىنەن تانىسا الادى.
جولدىباي بازار.
دەرەككوز: egemen.kz.
فوتو: astana.gov.kz.