استانا. 11 مامىر. مەملەكەت باسشىسى نۇرسۇلتان نازارباەۆتىڭ وكىمىمەن باقىتجان جارىلقاسىن ۇلى ءابدىرايىم قازاقستان رەسپۋبليكاسى ادىلەت ءمينيسترىنىڭ ورىنباسارى بولىپ تاعايىندالدى. ول قورعانىس ءمينيسترىنىڭ ورىنباسارى قىزمەتىنەن بوساتىلدى. بۇل تۋرالى اقوردانىڭ ءباسپاسوز قىزمەتى حابارلادى.
باقىتجان ءابدىرايىم 1965 جىلى 13 مامىردا تۋعان. س.م. كيروۆ اتىنداعى قازمۋ-دىڭ زاڭ فاكۋلتەتىن, اسپيرانتۋرانى جانە رعا مەملەكەت جانە قۇقىق ينستيتۋتىنىڭ دوكتورانتۋراسىن ۇزدىك بىتىرگەن. «تۇران» ۋنيۆەرسيتەتىنىڭ قارجى-ەكونوميكالىق فاكۋلتەتىن بىتىرگەن.
1984-1986 جىلدارى قارۋلى كۇشتەر قاتارىندا قىزمەت ەتتى. 1992-1993 جىلدارى مەملەكەتتىك اربيتراجدىڭ ەكونوميكالىق كەڭەسشىسى جانە مەملەكەتتىك اربيترى قىزمەتىن اتقاردى. 19931995 جىلدارى جوعارى اربيتراجدى سوت سۋدياسى, 1995-2002 جىلدارى جوعارعى سوت سۋدياسى, 2001-2002 جىلدارى جوعارى سوت كەڭەستىڭ مۇشەسى, سۋديالار وداعىنىڭ توراعاسى, 2002-2006 جىلدار پارلامەنتتەگى پرەزيدەنتى وكىلدىگىنىڭ باسشىسى. 2006 جىلى پارلامەنت سەناتىنىڭ اپپارات باسشىسى, 2006-2007 جىلدارى اقمولا تەحنولوگيا جانە بيزنەس ۋنيۆەرسيتەتىنىڭ رەكتورى, 2007 جىلى جوعارعى سوت جانىنداعى سوت اكىمشىلىك جونىندەگى كوميتەت توراعاسى, 2007-2008 جىلدارى پارلامەنتتەگى پرەزيدەنت وكىلدىگىنىڭ باسشىسى. 2008-2011 جىلدارى ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتىنىڭ رەكتورى, 2012-2013 جىلدارى «اسكەري-ستراتەگيالىق زەرتتەۋلەر ورتالىعى» اق پرەزيدەنتى.
2013 جىلدىڭ 2 قازانىنان بۇگىنگە دەيىن قازاقستان رەسپۋبليكاسى قورعانىس ءمينيسترىنىڭ ورىنباسارى بولدى.
ۇيلەنگەن, 6 بالا تاربيەلەپ وتىر.
ساكەن مايلىباي.
دەرەككوز: اقوردا سايتى.
فوتو: اقوردا سايتى.