استانا. 10 مامىر. بۇگىن ەلىمىزدىڭ 6 قالاسىندا فۋتبولدان پرەمەر-ليگا چەمپيوناتى 11-تۋرىنىڭ ويىندارى وينالدى. بۇل تۋرالى egemen.kz ءتىلشىسى حابارلادى.
تۋرداعى ەڭ سوڭعى ويىن اقتوبەدە جەرگىلىكتى كوماندا مەن پاۆلوداردىڭ «ەرتىسى» اراسىندا وينالدى. جانە بۇل ەڭ ماڭىزدىسى بولدى. سەبەبى, ونسىز دا توپ باسىندا كەلە جاتقان اقتوبەلىكتەر سول قالپىن ساقتاپ قويا سالماي, وزىنەن كەيىنگى «استانادان» ۇپاي الشاقتىعىن اسىرا ءتۇسۋى ىقتيمال ەدى. وسىعان وراي الاڭ يەلەرى دە ويىنعا بارىن سالدى. بىراق ولار قانشا ۇمتىلعاندارىمەن, ءبىرىنشى تايمدا ەسەپ اشا المادى. ال ەكىنشى تايمدا جولدارى ءجۇرىپ بەردى. الدىمەن ماركۋس پيزەلليدىڭ پاسىنان سوڭ مارات حايرۋللين 69-مينۋتتا سالدى. مۇنىڭ ارتىنشا (77) برازيليالىق فۋتبولشىنىڭ ءوزى ەسەپتى ۇلعايتتى. سوڭعى نۇكتەنى 83-مينۋتتا الەكساندر گەينريح پەنالتيدەن قويدى.
ءبىر ايتا كەتەتىن جايت, قوناقتار ەسەپتىڭ وسىلاي اياقتالعانىنا قاراماستان, تىم ناشار ويناعان دا جوق. پاۆلودارلىق فۋتبولشىلار بيىل باس جاتتىقتىرۋشى بولىپ كەلگەن تارمو ريۋيۋتلي كوماندادان قۋىلىپ كەتكەننەن كەيىن سەرپىلىپ ويناي باستادى.
سەمەيدە «سپارتاك» الماتىنىڭ «قايراتىن» قابىلداپ, 2:5 ەسەبىمەن ۇتىلىپ قالدى. ماتچتاعى ءبىرىنشى گول 17-مينۋتتا سوعىلدى. ونى مومودۋ سيسەي پەنالتيدەن ءتۇسىردى. بىراق 4 مينۋتتان كەيىن نەمانيا چوۆيچ شالقالاپ جاتىپ ۇرىپ, ەسەپتى تەڭەستىردى. دەگەنمەن, بۇل ەسەپ تە ۇزاق تۇرمادى. تاعى دا 4 مينۋت وتكەندە, مەيماندار العا شىقتى. ونى جاركو ماركوۆيچ ءوز ەسەبىنە جازدى.
كوماندالار ەكىنشى تايمدا 4 گول سوقتى. ويىن باستالىسىمەن 4 مينۋت وتە بەرگەندە, يوسيپ كنەجەۆيچ تابلوداعى 3:1-گە جەتكىزدى. تاعى 5 مينۋتتا اسلان داراباەۆ باسىمدىقتى اسىرا ءتۇستى. ال 60-مينۋتتا نەمانيا يوۆانوۆيچ ءبىر دوپتىڭ قارىمتاسىن قايتاردى. ەڭ سوڭىنان (69) سيسەي دۋبل جاسادى.
كەلەسى ءبىر ءىرى ەسەپ قاراعاندىدا «شاحتەر» مەن قوستانايدىڭ «توبىلى» اراسىنداعى كەزدەسۋدە كورىنىس بەردى. كەنشىلەر 4:1 ەتىپ جەڭدى. العاشقى ەكى گولدى ۇلان قونىسباەۆ 22 جانە 44-مينۋتتاردا سالدى. بۇدان سوڭ ميحرەت توپچاگيچ پەن 73 جانە 83-مينۋتتاردا اندرەي فينونچەنكو ەسەپتى ەسەلەي ءتۇستى. وسىلاردىڭ اراسىندا (82) راۋل دجاليلوۆ ءبىر دوپتىڭ قارىمتاسىن قايتاردى.
تۋردا سىرت الاڭداعى جالعىز جەڭىسكە قىزىلوردانىڭ «قايسارى» جەتتى. ەسەپ – 2:1. باس جاتتىقتىرۋشى دميتري وگايدىڭ شاكىرتتەرى العاشقى گولدى 11-مينۋتتا بۇرىشتامادان سوقتى. ونى ريمو حۋنت باسىمەن ۇرىپ ءتۇسىردى. ال الاڭ يەلەرى تەك 52-مينۋتتا عانا ەسەپتى تەڭەستىرە الدى (راۋان ساريەۆ). وسىمەن ويىن تەڭ اياقتالاتىنداي بولىپ كەلە جاتقان. سول كەزدە قوناقتار ساپىنان سەرگەي سترۋكوۆ (80) ماۋسىمداعى ءوزىنىڭ ءتورتىنشى گولىن سوعىپ, كومانداسىنا جەڭىس الىپ بەردى.
تاپ وسىنداي ەسەپ تارازدا دا ورىن الدى. وندا جەرگىلىكتى «تاراز» ءوزىنىڭ «ماڭگى قارسىلاسى» - شىمكەنتتىڭ «ورداباسى» كومانداسىن تىزە بۇكتىردى. الاڭ يەلەرى ەكى گولدى دا ۇزىلىسكە دەيىن ءتۇسىردى (9, 44). ولارعا الەكسەي ششەتكين مەن يليا ۆوروتنيكوۆ اۆتورلار اتاندى. ال مەيمانداردىڭ جالعىز گولى ويىنعا قوسىلعان 4 مينۋتتىڭ ىشىندە سوعىلدى (ازات نۇرعاليەۆ).
ەلىمىزدىڭ ەڭ باتىس شەبىندەگى اتىراۋ قالاسىندا دا ماڭىزدى ماتچ وينالدى. وندا توپ باسىنا تالاسىپ كەلە جاتقان «استانا» جەرگىلىكتى كوماندامەن كەزدەسىپ, 0:1 ەسەبىمەن ۇتىلىپ قالدى. ويىن تاعدىرىن شەشكەن جالعىز دوپتى ميلوش تريفۋنوۆيچ 29-مينۋتتا پەنالتيدەن سالدى.
دامير قوجامقۇل.
دەرەككوز: egemen.kz.
فوتو: sports.kz.