استانا. 9 مامىر. سويا سوۋسىنداعى يممۋنوتاپشىلىق ۆيرۋسىنىڭ (ۆيچ) دامۋىن توقتاتاتىن قوسپا تابىلدى. بۇل تۋرالى يتار-تاسس حابارلادى.
سارسەنبى كۇنى ميسسۋري شتاتىنداعى ۋنيۆەرسيتەت مەديتسينا مەكتەبىنىڭ مولەكۋلا بيولوگياسى جانە يممۋنولوگيا پروفەسسورى ستەفان سارافيانوستىڭ باسشىلىعىمەن جۇمىس جاساۋشى زەرتتەۋشەلىر توبى امەريكالىق باق وكىلدەرىنە وسىنداي مالىمدەمە جاريالادى.
ءسوز ەتىلىپ وتىرعان EfdA مولەكۋلاسىن 2011 جىلى Yamasa سويا سوۋسىن ءوندىرۋشى جاپون كومپانياسىنىڭ ماماندارى تاپتى. سوندا اتالمىش قوسپانىڭ سويا ءدامىن كۇشەيتىپ قانا قويا سالماي, ۆيچ-ينفەكتسياسىمەن اۋىرۋشىلاردى ەمدەۋ كەزىندە قولدانىلاتىن انتيۆيرۋستى تەنوفير پرەپاراتىنا قاتتى ۇقسايتىنى انىقتالعان بولاتىن.
«ۆيچ-تەن تەنوفوۆير ارقىلى ەمدەلۋشىلەر اقىر سوڭىندا وسى پرەپەراتقا ۇيرەنىپ كەتەتىنى, سونىڭ نەگىزىندە ۆيرۋستان قورعانۋدىڭ تيىمدىلىك اپەرە قويمايتىنى بايقالدى», - دەپ ءتۇسىندىردى سارافيانوس. ونىڭ ايتۋىنشا, ۆيچ-پەن اۋىرۋشى ناۋقاستار EfdA مولەكۋلاسىنا اناعۇرلىم از بەيىمدەلەدى, سونىڭ اسەرىنەن پرەپارات ادامعا تەز اسەر ەتىپ,
تەنوفوۆيرگە قاراعاندا ورگانيزمدى باياۋىراق بۇزادى.
عالىمدار EfdA مولەكۋلاسىن ۆيچ-پەن اۋىرۋشى مايمىلدارعا قولدانىپ كورىپتى. «بۇل جانۋارلاردىڭ اۋرۋلارىنىڭ كۇشتىلىگى سونداي, ولاردى جاقىن ارادا ۇيىقتاتىپ ولتىرۋگە تۋرا كەلەتىن. الايدا, EfdA-نى قابىلداعاسىن ءبىر اي وتكەننەن كەيىن ولار وزدەرىن وتە كەرەمەت سەزىنە باستادى, ال ولاردىڭ قاندارىنداعى ۆيچ كونتسەنتراتى ارەڭ بىلىنەتىندەي دارەجەگە جەتتى», - دەپ اتاپ ءوتتى وسى زەرتتەۋ جۇمىستارىنا قاتىسقان پيتتسبۋرگ ۋنيۆەرسيتەتىنىڭ بيوحيميگى مايكل پارنياك. ونىڭ ايتۋىنشا, جۇرگىزىلگەن تاجىريبەلەر EfdA مولەكۋلاسىنىڭ بەلسەندىلىگى سونداي, وندا اۋرۋدىڭ دامىپ ۇلگەرە الماي قالاتىنى بەلگىلى بولعان.
قازىر EfdA مولەكۋلاسىنىڭ ۆيچ-پەن كۇرەستەگى تيىمدىلىگىن امەريكانىڭ Merck اتتى فارماتسەۆتىك الىپ كومپانياسى زەرتتەپ جاتىر.
مۇرات ايتقوجا.
دەرەككوز: يتار-تاسس.
فوتو: AP Photo/ Sunday Alamba.