ەرتەڭ, 24 تامىزدا اباي, جەتىسۋ جانە ۇلىتاۋ وبلىستارىنان قازاقستان رەسپۋبليكاسى پارلامەنتى سەناتىنىڭ دەپۋتاتتارىن سايلاۋ وتەدى, دەپ حابارلايدى Egemen.kz قر ورتالىق سايلاۋ كوميسسياسىنىڭ ءباسپاسوز قىزمەتىنە سىلتەمە جاساپ.
پارلامەنت سەناتىنىڭ دەپۋتاتتارىن سايلاۋ تاڭداۋشىلاردىڭ بىرلەسكەن وتىرىسىندا وتكىزىلەدى, وتىرىس ساعات 11.00-دە باستالادى.
اباي, جەتىسۋ جانە ۇلىتاۋ وبلىستارىنان قازاقستان رەسپۋبليكاسى پارلامەنتى سەناتىنىڭ دەپۋتاتتارىن سايلاۋدا تاڭداۋشىلاردى تىركەۋ ساعات 10.00-دە باستالادى.
پارلامەنت سەناتىنداعى 6 مانداتقا 12 كانديدات ۇمىتكەر بولىپ وتىر.
بارلىق ءۇش وڭىردەگى تاڭداۋشىلاردىڭ جالپى تىزىمىنە 346 ءماسليحات دەپۋتاتتارى ەنگىزىلگەن.
داۋىس بەرۋ كۇنى ورتالىق سايلاۋ كوميسسياسىنىڭ ينتەرنەت-رەسۋرسىندا تومەندەگى سىلتەمەلەر بويىنشا ونلاين بايقاۋ سەرۆيستەرى جۇمىس ىستەيتىن بولادى.