بىرىڭعاي جيناقتاۋشى زەينەتاقى قورى قازاقستاندىقتاردى جاڭا الاياقتىق سحەما تۋرالى ەسكەرتتى. بەلگىسىز بىرەۋلەر «بجزق» اق قىزمەتكەرلەرىنە قوڭىراۋ شالىپ, سالىمشىنىڭ زەينەتاقى شوتىنىڭ قۇلپىن اشۋ ءۇشىن قانداي دا ءبىر بانكتىك شوتتى تولىقتىرۋدى سۇرايدى, دەپ حابارلايدى Egemen.kz.
«بجزق مۇنداي قوڭىراۋلار مەكەمە قىزمەتكەرلەرىنەن تۇسپەيتىنىن ەسكەرتەدى. مۇنداي قوڭىراۋلار تۇسكەن جاعدايدا اڭگىمەنى ءۇزۋدى سۇرايمىز. ءسىزدىڭ جەكە زەينەتاقى شوتىڭىزداعى زەينەتاقى جيناقتارىنا سوت ورىنداۋشىسىنىڭ نەمەسە كەز كەلگەن ءۇشىنشى تۇلعانىڭ ءوندىرىپ الۋى مۇمكىن ەمەس. ءسىزدىڭ جەكە زەينەتاقى شوتىڭىز ەشقانداي جاعدايدا بۇعاتتالمايدى», دەلىنگەن قور حابارلاماسىندا.