استانا. 9 مامىر. استانا اكىمدىگى عيماراتىنىڭ الدىنداعى الاڭدا جەڭىس كۇنىنە ارنالعان كونتسەرت وتەدى. بۇل تۋرالى astana.gov.kz سايتى حابارلادى.
بۇگىنگى جانە كەلەر ۇرپاق جاھاندى داۋىلىمەن جايپاپ وتكەن ۇلى وتان سوعىسىندا جانقيارلىقپەن ەرلىك كورسەتكەن اتا, اجەلەرىمىزدى ۇمىتپاۋى كەرەك. سوندىقتان, سول كەزەڭدەردەن مولىنان حابار بەرەتىن رۋحاني دۇنيەلەرگە نازار اۋدارساق ۇتىلمايمىز.
بۇگىن ساعات 19:00-دە قالالىق اكىمدىكتىڭ الدىندا ۇيىمداستىرىلماق مادەني شارادا ونەر ۇجىمدارى سوعىس جىلدارداعى اندەردى ورىندايدى. بۇلاردان بولەك, Asem جانە «تەنگري» توبى, ANISSA توبى, ارتيوم رومانوۆ جانە تاعى باسقا دا انشىلەر ونەر كورسەتەدى. بۇل كونتسەرتتە ءاربىر ونەرپاز مىندەتتى تۇردە اسكەري تاقىرىپتاعى ءبىر ءان ورىندايدى. ءبىر ايتا كەتەر ءجايت, شىرقالاتىن اندەر زامانۋاي سيپاتتا ايتىلادى.
كونتسەرت ۇلى وتان سوعىسى ارداگەرلەرىنە قۇرمەت كورسەتۋ جانە جاستاردى وتانسۇيگىشتىككە تاربيەلەۋ ماقساتىندا ۇيىمداستىرىلۋدا.
جولدىباي بازار.
دەرەككوز: astana.gov. kz.
فوتو: news.nur.kz.