سوفيادا (بولگاريا) گرەك-ريم كۇرەسىنەن U20 الەم چەمپيوناتى اياقتالدى. قازاقستان كومانداسىنىڭ اكتيۆىندە ءۇش مەدال بار, دەپ حابارلايدى Egemen.kz Olympic.kz-كە سىلتەمە جاساپ.
ەڭ جاقسى ناتيجە يۋسۋف ماتسيەۆكە تيەسىلى. 97 كەلىگە دەيىنگى سالماق دارەجەسىندە بالۋان كۇمىس مەدالعا يە بولدى.
دىنمۇحامەد قوشقار (67 كەلىگە دەيىن) مەن ماقسات سايلاۋ (87 كەلىگە دەيىن) الەم بىرىنشىلىگىن ءۇشىنشى ورىندا اياقتادى.
كوماندالىق ەسەپتە قازاقستاندىق كوماندا التىنشى ورىندا. كوماندالىق كەستەنى يران باستاپ تۇر ەكىنشى ورىن ازەربايجاندا, ۋكراينا ءۇشىنشى ورىندا.