ورال قالالىق سوتىندا ەڭبەك جانە حالىقتى الەۋمەتتىك قورعاۋ مينيسترلىگى ەڭبەك جانە الەۋمەتتىك قورعاۋ كوميتەتى بقو بويىنشا دەپارتامەنتىنىڭ قىزمەتكەرلەرىنە قاتىستى ۇكىم شىقتى, دەپ حابارلايدى Egemen.kz.
بقو بويىنشا سىبايلاس جەمقورلىققا قارسى قىزمەتىنەن ءمالىم ەتكەندەي, اتالعان دەپارتامەنتتىڭ مەديتسينالىق-الەۋمەتتىك ساراپتاما باسشىسى باقىتجامال بەكقوجينا قر قك 366-بابى 3-بولىگى 4-تارماعىنا (پارا الۋ) سايكەس ايىپتى دەپ تانىلدى.
سوت ۇكىمىمەن ب.بەكقوجيناعا پارانىڭ 60 ەسەلەنگەن كولەمىندە 60 ملن تەڭگە كولەمىندە ايىپپۇل سالىندى.
وسى ۇكىممەن پاراقورلىققا دەلدال بولۋ دەرەگى بويىنشا دارىگەر-نەۆروپاتولوگ ريمما تەلباەۆا ايىپتى دەپ تانىلىپ, وعان پارانىڭ 20 ەسەلەنگەن كولەمىندە 6 ملن تەڭگە ايىپپۇل تۇرىندەگى جازا كەسىلدى.
ولاردىڭ ەكەۋى دە مەملەكەتتىك قىزمەتتە جانە كۆازيمەملەكەتتىك سەكتور نىساندارىندا لاۋازىمداردى اتقارۋ قۇقىعىنان ءومىر بويىنا ايىرىلدى.
سوت ۇكىمى زاڭدى كۇشىنە ەنگەن جوق.