استانانىڭ بىرنەشە عيماراتىنا جارىلعىش زات قويىلعانى تۋرالى اقپارات ەلدى دۇرلىكتىردى, دەپ حابارلايدى Egemen.kz.
نۇر-سۇلتان قالالىق پوليتسيا دەپارتامەنتىنىڭ مالىمەتىنشە, 23 تامىز كۇنى ساعات 03:50-دە اۆياتسيالىق قاۋىپسىزدىك ينسپەكتورى «102» ارناسىنا قوڭىراۋ شالىپ, اۋەجايدىڭ ەلەكتروندى پوشتاسىنا استاناداعى سوتتاردىڭ بارلىق عيماراتىنا جارىلعىش زات قويىلعانى تۋرالى حابارلاما تۇسكەنىن ايتقان.
«ساعات 09:11-دە «پارك INN» قوناقۇيىنە, ەمحاناعا, سونىمەن قاتار «Mega Silk Way» ساۋدا, ويىن-ساۋىق ورتالىعىنا بومبا قويىلعانىن تۋرالى ءدال سونداي حابارلاما ءتۇستى. قۇقىق قورعاۋ ورگاندارى تەكسەرۋ جۇرگىزدى. جارىلعىش زات تابىلعان جوق», دەپ اتاپ ءوتتى دەپارتامەنتتەن.