استانا. 9 مامىر. بۇگىن بەلارۋس استاناسى – مينسك قالاسىندا حوككەيدەن الەم چەمپيوناتى باستالىپ, 4 ماتچ وينالادى. بۇل تۋرالى يتار-تاسس ءتىلشىسى حابارلادى.
جاھاندىق جارىس ۆ توبىنداعى شۆەتساريا جانە رەسەي قۇرامالارى اراسىنداعى ماتچپەن جەرگىلىكتى ۋاقىت بويىنشا ساعات 17:45-تە باستالادى. ويىن «مينسك-ارەنا» سپورت كەشەنىندە وتەدى. وسى مەزگىلدە كەلەسى سپورت ارەناسى – «چيجوۆكا-ارەنادا» ا توبىنداعى فرانتسيا مەن كانادا قۇرامالارى مۇز ايدىنىنا شىعادى.
قالعان ەكى كەزدەسۋ 21 ساعات 45 مينۋتتا كەرۋەن كەرەدى. ولاردىڭ بىرىنشىسىندە ۆ توبىنداعى بەلارۋس پەن اقش كوماندالارى «مينسك-ارەنادا» شايبا تۇيىستىرەدى. كەلەسى جۇپتى ا توبىنداعى چەحيا مەن سلوۆاكيا قۇرايدى.
رۋسلان يگىلىك.
دەرەككوز: يتار-تاسس.
فوتو: يتار-تاسس/ارتەم كوروتاەۆ.