پارلامەنت

جولداۋ زاڭنامالىق تۇرعىدان قامتاماسىز ەتىلەدى

شىعىس قازاقستان وبلى­سى­نا كەلگەن پارلامەنت سەنا­تى ەكو­نوميكالىق دامۋ ءجا­نە كا­سىپكەرلىك كوميتەتىنىڭ توراعا­سى تالعاتبەك ءابايدىلدين ايماق­تىڭ اتقارۋشى جانە وكىلدى بيلىك وكىلدەرىمەن كەزدەستى. ت.اباي­دىلدين, سونىمەن قا­تار, كىرپىش جانە تسەمەنت زاۋ­ىت­تارىنىڭ, «سپەكتر» گازە­تى­نىڭ ەڭبەك ۇجىمدارىمەن, سە­مەي قالاسىنداعى بيزنەس كوللەد­جى­نىڭ وقۋشىلارىمەن جانە پرو­فەس­سورلىق-وقىتۋشىلار قۇرامىمەن كەزدەستى. سەناتور جۇزدەسۋ بارىسىندا پارلامەنتتىڭ زاڭ شىعارۋ قىزمەتى, پرەزيدەنت ن.ءا.نازارباەۆتىڭ حا­لىققا جولداۋىندا العا قويىلعان مىندەتتەردى زاڭنامالىق تۇرعىدا قامتاماسىز ەتۋ جونىندەگى سەنات­تىڭ بيىلعى جىلعى جۇمىس جوس­پارى تۋرالى اڭگىمەلەدى, دەپ حابارلادى وسى پالاتانىڭ ءباسپاسوز قىزمەتى. *** پارلامەنت ءماجىلىسىنىڭ دەپۋتاتى, «نۇر وتان» پارتياسى فراكتسياسىنىڭ مۇشەسى ورازكۇل اسانعازى اقمولا وبلىسى, بۋراباي اۋدانىنىڭ مادەنيەت جانە ابىلاي حان اۋىلدارىندا تۇرعىندارمەن جۇزدەستى. «نۇر وتان» پارتياسىنىڭ باع­دارلاماسىندا اۋىلدى دامىتۋعا نازار اۋدارىلىپ وتىر. ابىلاي حان اۋىلىنا بارعاندا, تۇرعىنداردىڭ تۇرمىسى جاقسى ەكەنىنە كوزىم جەتتى. اۋىلدا جول, اۋىز سۋ ماسەلەسى شەشىمىن تاپقان, مەكتەپ پەن بالاباقشا جۇمىس ىستەپ تۇر. ال مادەنيەت اۋىلىندا تۇرعىندار ۇلكەن جولدان اۋىلعا بۇرىلعان تۇستاعى 9 شاقىرىمدىق جولدىڭ كۇردەلى جوندەۋدەن وتپەي تۇرعانىن جانە ەلەكتر جارىعىنىڭ ءجيى-ءجيى ءسونىپ قالا بەرەتىنىن العا تارتتى. اۋىل باسشىلىعى جولدىڭ جوبالاۋ-سمەتالىق قۇجاتتارىن دايىنداپ جاتىر ەكەن. كەلەر جىلدارى ول ماسەلە دە شەشىلۋگە ءتيىس. بۇل تۇرعىدا اقمولا وبلىسىنىڭ اكىمىمەن ءوزىم دە سويلەسەمىن», دەدى و.اسانعازى. سونداي-اق, دەپۋتات كوكشەتاۋ قالاسىنداعى پەداگوگيكالىق كوللەدجدىڭ ۇجىمىمەن كەزدەستى. «وعان ارنايى بارعانىمنىڭ سەبەبى, 12 جىلدىق ءبىلىم بەرۋ جۇيە­سىنە وتكەلى جاتىرمىز. وقۋشى­عا ءبىلىمنىڭ نەگىزى باستاۋىشتا قالانادى عوي. سوندىقتان پەدكول­لەدجدىڭ ءرولى وتە زور. ءبىلىم سالاسىنداعى وزگەرىستەر, جاڭا­لىقتار تۋرالى اتالعان وقۋ ور­نىنىڭ ۇستازدارىمەن, شاكىرت­تەرىمەن كەرەمەت ءبىر كەزدەسۋ بولدى. كەلەلى ويلار, ۇتىمدى ۇسىنىستار ايتىلدى», دەدى و.اسانعازى. *** پارلامەنت ءماجىلىسىنىڭ دەپۋتاتى, «نۇر وتان» پارتياسىنىڭ مۇشەسى اباي تاسبولاتوۆ قاراعاندى وبلىسىندا بولىپ, ەلباسىنىڭ قازاقستان حالقىنا ارناعان جولداۋىنداعى ەلىمىزدىڭ الدىنا قويىلعان وزەكتى ءما­سەلەلەردى حالىققا ءتۇسىندىرۋ ماق­سا­تىندا سايلاۋشىلارمەن كەزدەستى. پارلامەنت ءماجىلىسىنىڭ دەپۋ­تات­تارى ا. تاسبولاتوۆ, ت.ءومىر­زاقوۆ, ت.ەرعاليەۆ ساتباەۆ قالا­سىنا قاراستى سپورت-ساۋىقتىرۋ كەشەنى جۇمىسىمەن تانىسىپ, سپورتتىق ءىس-شارالارعا قاتىستى. دەپۋتاتتار جەزقاعان قالا­سىنىڭ اكىمى سەرىك شايداروۆپەن, سونداي-اق, ۇلى وتان سوعىسى, تىل ارداگەرلەرىمەن, اۋعان سوعىسىنا قاتىسۋشىلارمەن, ءوڭىر جاستارىمەن كەزدەسۋ وتكىزدى. قورعانىس ىستەرى دەپارتامەنتىندە بولىپ, وندا جۇمىس اتقاراتىن اسكەري قىزمەتكەرلەرمەن پىكىر الماستى. كەزدەسۋلەر بارىسىندا «نۇر وتان» پارتياسىنىڭ «قازاقستان. ماقساتتار-2017. ۇلتتىق ءىس-ارە­كەت­تەر جوسپارى» تۇعىرناماسى, پرە­زيدەنت ن.ءا.نازارباەۆتىڭ «قا­زاقستان-2050» ستراتەگياسى جولداۋىنىڭ باسىمدىقتارى جانە ءماجىلىستىڭ زاڭ شىعارۋشىلىق قىزمەتى جايىنان حاباردار ەتتى. ا.تاسبولاتوۆ بارلىق اۋدان­دارداعى ازاماتتاردى ءوز وتىنىشتەرى بويىنشا جەكە قابىلداۋلار ءوت­كىزىپ, ناتيجەسىندە شاعىمدار ءۋا­كى­لەتتى مەملەكەتتىك ورگاندارعا جولداناتىندىعىن ايتىپ, ءاربىر كوتەرىلگەن ساۋالعا ءتيىستى جاۋاپ بولاتىنىن جەتكىزدى. *** پارلامەنت ءماجىلىسىنىڭ دەپۋتاتى, «نۇر وتان» پارتياسى پارلامەنتتىك فراكتسياسىنىڭ مۇشەسى نۇرتاي سابيليانوۆ شىعىس قازاقستان وبلىسىنىڭ تارباعاتاي جانە كوكپەكتى اۋداندارىندا سايلاۋشىلارمەن كەزدەسۋلەر وتكىزدى. كەزدەسۋلەر اتالعان اۋدان­داردىڭ كوكجىرا, قۇمعول, اق­سۋات, قاراسۋ, اقجار, كوكپەكتى اۋىل­دارىنىڭ تۇرعىندارىمەن ءوتتى. سونىمەن قاتار, دەپۋتات اق­سۋات اۋىلىندا ورنالاسقان حا­لىق­قا قىزمەت كورسەتۋ ورتالى­عىنا, №1 دارىگەرلىك امبۋلاتو­ريا مەن جاڭادان اشىلعان حا­لىق بانكىنىڭ بولىمشەسىنە بارىپ, حالىققا قىزمەت كورسەتۋ جۇ­مى­سىمەن تانىستى. كوكپەكتى اۋى­لىنداعى بالالار ۇيىندە ءتار­بيە­لەنىپ جاتقان بالالاردىڭ تۇرمىس-تىرشىلىگىن كوردى. كەزدەسۋلەردە حالىق قالاۋلىسى سايلاۋشىلارعا ەلباسىنىڭ «قا­زاق­ستان جولى – 2050: ءبىر ماقسات, ءبىر مۇددە, ءبىر بولاشاق» اتتى قا­زاقستان حالقىنا جولداۋىنىڭ باسىم باعىتتارى, پارلامەنتتىڭ زاڭ شىعارۋشىلىق قىزمەتى, «نۇر وتان» پارتياسىنىڭ اعىمداعى جۇ­مىسى تۋرالى ايتىپ بەردى. سايلاۋشىلار تاراپىنان كوپ­تەگەن سۇراقتار قويىلىپ, ماسە­لە­لەر كوتەرىلدى. ازاماتتاردىڭ سۇراق­تارىنا دەپۋتات تاراپىنان تولىق جاۋاپ بەرىلدى. ازاماتتار ءوز وتىنىشتەرى بويىنشا دەپۋتاتتىڭ جەكە قابىلداۋىندا بولدى. *** پارلامەنت ءماجىلىسىنىڭ دەپۋتاتى اسحات بەكەنوۆ اتىراۋ وبلىسىنىڭ قۇرمانعازى اۋدانىنداعى تەڭىز اۋىلدىق وكرۋگىندە كەزدەسۋ وتكىزدى. جيىنعا اۋىل تۇرعىندارى, گا­گارين مەكتەبىنىڭ پەدا­گو­گي­كالىق ۇجى­مى, «ايسامال» بالا­­باق­­شاسىنىڭ ۇجىمى, وكرۋگ اكىمى اپپاراتىنىڭ قىزمەت­كەر­­لەرى, اۋىلدىق كلۋب ۇجىمى, «سار­سەنباەۆ ە» شارۋا قوجالى­عى­نىڭ قىزمەتكەرلەرى, قوعامدىق قىز­مەت­كەرلەر قاتىستى. ا. بەكەنوۆ ەلباسىنىڭ 2014 جىل­عى 17 قاڭتارداعى «قازاقستان جولى – 2050: ءبىر ماقسات, ءبىر مۇددە, ءبىر بولاشاق» اتتى قازاقستان حالقىنا جولداۋىنىڭ باسىم با­عىتتارى, پارلامەنتتىڭ زاڭ شىعارۋ قىزمەتى, «نۇر وتان» پارتياسىنىڭ اعىمداعى جۇمىسى تۋرالى ايتىپ بەردى. اۋىل تۇرعىنى, اۋداننىڭ قۇرمەتتى ازاماتى ۇ.جادىعۇلوۆ, اۋىل تۇرعىندارى ا.عۇماروۆ,ت.حاۋى­سوۆ, ا.قۇباەۆ س.قاليەۆ سۇراق­تار قويىپ, ۇسىنىستارىن ءبىل­دىردى. جيىنعا اۋدان اكىمى ا.با­را­قاتوۆ, «نۇر وتان» پارتياسىنىڭ وكىلدەرى, ت.ب. كەلدى. *** پارلامەنت ءماجىلىسىنىڭ دەپۋتاتى الماس تۇرتاەۆ ايماقتارعا ساپارى اياسىندا قاسيەتتى تۇركىستان قالاسىندا جانە قىزىلوردا وبلىسىنىڭ  شيەلى جانە جاڭاقورعان  اۋداندارىندا بولىپ, سايلاۋشىلارمەن جانە  جەرگىلىكتى كاسىپكەرلەرمەن كەزدەستى. العاشقى كەلەلى جيىن ءتۇر­كىستان مەديتسينالىق كوللەدجىندە بولدى. دەپۋتات وقۋ ورنىنىڭ ءبى­لىم بەرۋ بازاسىمەن تانىسىپ بولعاننان كەيىن كوللەدج ستۋدەنت­تەرىمەن پىكىر الماستى. ستۋدەنتتەر تاراپىنان قويىلعان سۇراقتارعا جاۋاپ بەرىپ, جاستار قاۋىمىن ەل يگىلىگى جولىندا ايانباي ەڭبەك ەتۋگە شاقىردى. ودان ءارى تۇركىستان قالالىق كا­سىپكەرلىك بولىمىندە ۇلتتىق كاسىپ­كەرلەر پالاتاسىنىڭ, اكىمشىلىك جانە بيزنەس قاۋىمداستىق وكىل­دەرىنىڭ,  سونىمەن قاتار, باق-تىڭ قاتىسۋى­مەن كەزدەسۋ ءوتتى. كەزدەسۋ بارىسىندا وڭىردە كاسىپكەرلىك سالاسىن دامىتۋ, ينفراقۇرىلىم جانە اۋىز سۋ ماسەلەسى ءسوز بولدى. قىزىلوردا وبلىسىنىڭ شيەلى اۋدانىندا بولعان دەپۋتات «كنك كەميكال» جشس جۇمىسىمەن تانىستى. ساپار بارىسىندا ءوڭىر­دەگى كاسىپكەرلىكتى دامىتۋ ماسە­لەلەرى تاقىرىپ وزەگىنە اينالدى. ال جاڭاقورعان اۋدانىندا جە­كە كاسىپكەرلەردىڭ جانە شارۋا قوجالىقتارىنىڭ جۇمىسىمەن تانىسىپ, ەگىن باسىنا باردى.