سينوپتيكتەر 22 تامىزعا ارنالعان اۋا رايى بولجامىن جاريالادى, دەپ حابارلايدى Egemen.kz.
«اۋقىمدى سولتۇستىك-باتىس انتيتسيكلونمەن قازاقستاننىڭ باسىم بولىگىندە جاۋىن-شاشىنسىز اۋا رايى ساقتالادى. ەلىمىزدىڭ سولتۇستىگىندە, سولتۇستىك-باتىسىندا, شىعىسىندا, وڭتۇستىك-شىعىسىندا فرونتالدى ايماق اسەرىنەن نايزاعاي ويناپ, جاڭبىر جاۋادى. كۇندىز رەسپۋبليكانىڭ وڭتۇستىك-شىعىسىنداعى تاۋلى اۋدانداردا بۇرشاق جاۋى ىقتيمال», دەلىنگەن «قازگيدرومەت» رمك حابارلاماسىندا.
رەسپۋبليكا بويىنشا كەي جەرلەردە جەل كۇشەيەدى, تۇندە جانە تاڭەرتەڭ سولتۇستىكتە, سولتۇستىك-باتىستا تۇمان, تۇندە شىعىستا توپىراق بەتىندە 2 گرادۋسقا دەيىن ۇسىك ساقتالادى. كۇندىز وڭتۇستىك – باتىستا شاڭدى داۋىل سوعادى.
قىزىلوردا, تۇركىستان وبلىستارىنىڭ وڭتۇستىگىندە, شىعىسىندا توتەنشە ءورت قاۋپى ساقتالادى.