بيىلعى جىلدىڭ العاشقى توقسانىنىڭ قورىتىندىسى بويىنشا قىزىلوردا وبلىسىندا وڭدەۋ ونەركاسىبىندە – 8, اۋىل شارۋاشىلىعىندا 3 پايىزعا ءوسىم بار. دەگەنمەن, ونەركاسىپ سالاسى 2,9 پايىزعا, ينۆەستيتسيا تارتۋ 14,3 پايىزعا ازايعان. بۇل تۋرالى وبلىستىق ەكونوميكا جانە بيۋدجەتتى جوسپارلاۋ باسقارماسىنىڭ باسشىسى ساۋلە ق ۇلىمبەتوۆا حابارلادى. باسقارما باسشىسى ينۆەستيتسيانىڭ تومەندەۋىن «بەينەۋ – بوزوي –شىمكەنت» گاز قۇبىرىنىڭ جانە «باتىس ەۋروپا – باتىس قىتاي» اۆتوبانى قۇرىلىسىنىڭ نەگىزگى جۇمىستارىنىڭ اياقتالۋىمەن بايلانىستىردى.
وتكەن جىلدىڭ وسى مەرزىمىمەن سالىستىرعاندا قۇرىلىس سالاسى دا ءبىرشاما باسەڭدەپ قالعان. وسىعان دەيىن 59,4 مىڭ شارشى مەترگە تۇرعىن ءۇي سالىنسا, ونىڭ بارلىعى جەكە سەكتورعا تيەسىلى ەكەن. ايتا كەتەيىك, بيىل «قولجەتىمدى باسپانا-2020» باعدارلاماسىنىڭ شەڭبەرىندە رەسپۋبليكالىق جانە وبلىستىق بيۋدجەتتەن 7057,4 ميلليون تەڭگە قارجى ءبولىنىپ وتىر. بۇل ۇيلەردىڭ قۇرىلىسى ەكىنشى توقساندا باستالادى دەپ جوسپارلانعان.
العاشقى توقساندا 1758 جاڭا جۇمىس ورنى اشىلدى. جۇمىسسىزدىق دەڭگەيى 5,2 پايىزدى قۇراعان. اقپان ايىندا وبلىستا ورتاشا جالاقى 92263 تەڭگەنى قۇرادى. بۇل وتكەن جىلمەن سالىستىرعاندا 102,2 پايىزعا ارتقان دەگەن ءسوز.
قازىرگى نەگىزگى ماسەلە ازىق-ت ۇلىك باعالارىنىڭ ءوسۋى. بۇل باعىتتا ءىرى ساۋدا ورتالىقتارىمەن 46 مەموراندۋم جاسالدى. سونىڭ ناتيجەسىندە ولار بازار باعاسىنان نەگىزگى ازىق-ت ۇلىكتى 5-10 پايىزعا ارزان ساتۋدا. وعان قوسا تۇراقتى تۇردە اۋىلشارۋاشىلىق جارمەڭكەلەرى وتكىزىلىپ تۇر.
بۇگىندە وبلىس بيۋدجەتى 199 ميلليارد تەڭگەگە جەتتى. الەۋمەتتىك سالا باستى نازاردا. بيىلدىڭ وزىندە وبلىستا 78 الەۋمەتتىك نىساننىڭ قۇرىلىسى باستالادى.
– كورسەتكىشتەر كەيبىر سالادا تومەندەپ كەتكەن. بىراق ول جۇمىس جاسالماي جاتىر دەگەندى بىلدىرمەيدى. جىل جاڭا باستالدى. تەندەرلەر ەندى ءوتىپ جاتىر. قازىر ارال مەن قازالى شاعىن قالالار تىزىمىنە ەندى. بۇل – رەسپۋبليكادان قولداۋ بولادى دەگەن ءسوز. ءوڭىردىڭ كەلبەتىن وزگەرتۋگە جۇمىس جاساڭىزدار. تاياۋدا «قازاقستان تەمىر جولى» اق-پەن مەموراندۋمعا قول قويدىق. ەندى اۋەجايدىڭ جولاۋشىلار تەرمينالىنىڭ قۇرىلىسى سالىنادى. شىنى زاۋىتىنىڭ گازداندىرۋ ماسەلەسىن ينۆەستيتسيالىق فورۋم ناتيجەسىندە شەشتىك. بۇل جۇمىستار الداعى ۋاقىتتا دا جالعاسىن تاباتىن بولادى, – دەدى وبلىس اكىمى قىرىمبەك كوشەرباەۆ.
ەرجان بايتىلەس,
«ەگەمەن قازاقستان».
قىزىلوردا.