استانا. 8 مامىر. قىزىلوردا وبلىسىندا 10 ادامنىڭ ءومىرىن ج ۇلىپ كەتكەن ءىرى جول اپاتىنا بايلانىستى ازالى كۇن جاريالاندى. بۇل تۋرالى وبلىس اكىمىنىڭ ءباسپاسوز قىزمەتى حابارلادى.
ءباسپاسوز قىزمەتىنىڭ حابارلاۋىنشا, 8-10 مامىر ارالىعىن قامتيتىن ازالى كۇندەرى وبلىستا مادەني-بۇقارالىق شارالاردى وتكىزۋگە شەكتەۋ قويىلدى. وبلىستىق تەلەارنالارداعى ساۋىقتىق باعدارلامالار كەيىنگە قالدىرىلدى. «اكىمدىك پەن وبلىس ءماسليحاتى كەشە قايتىس بولعانداردىڭ تۋىستارى مەن جاقىندارىنا كوڭىل ايتتى», - دەلىنگەن حابارلامادا.
ەسكە سالا كەتەيىك, 7 مامىر كۇنى تاڭەرتەڭ ساعات 9-00 شاماسىندا «باتىس ەۋروپا - باتىس قىتاي» تاس جولىنىڭ تارتوعاي ەلدى مەكەنىنە جاقىن تۇسىندا جولاۋشىلار تاسيتىن Mersedes-Sprinter شاعىن اۆتوبۋسى Toyota Land Cruiser Prado كولىگىمەن سوقتىققان ەدى. ەكى كولىكتە 19 ادام بولعان. وسى وقيعادان 10 ادام, ونىڭ ىشىندە ەكى جۇرگىزۋشى دە وقيعا ورنىندا ءۇزىلدى. تاعى 8 ادام اۋرۋحاناعا ءتۇستى.
جول-كولىك وقيعاسى بويىنشا قىلمىستىق ءىس قوزعالدى.
قۇرىش نۇرىمبەت.
دەرەككوز: قىزىلوردا وبلىسىنىڭ اكىمدىگى.
فوتو: Tengrinews.kz.