استانا. 9 مامىر. پاۆلودار وبلىسىندا پوليتسەيدى قاعىپ كەتكەن ەكس-شەنەۋنىك جانات سماتاەۆ قاماۋدا قالدىرىلدى. بۇل تۋرالى وبلىستىق سوت ءباسپاسوز قىزمەتىنە سىلتەمە جاساعان Tengrinews.kz ءتىلشىسى حابارلادى.
حابارلامادا ايتىلعانداي, ۇستالعان ەكس-شەنەۋنىكتىڭ قورعاۋشىسى قاماۋعا الۋ تۋرالى سوت شەشىمىنە قاتىستى شاعىمدانىپ, جانات سماتاەۆتى كەپىلگە بەرۋدى سۇراعان.
بىراق ءباسپاسوز قىزمەتى «سماتاەۆ اۋىر قىلمىس بويىنشا جاۋاپقا تارتىلىپ وتىر. «ول قۇقىق قورعاۋ قىزمەتكەرىنىڭ دەنساۋلىعىنا زيان كەلتىرىپ, ومىرىنە قاۋىپ ءتوندىردى. وقيعا ورنىنان قاشىپ كەتتى» دەگەن باپپەن جاۋاپكەرشىلىككە تارتىلعان. سوندىقتان سوت ونىڭ قورعاۋشىسىنىڭ شاعىمىن قاناعاتتاندىرمادى», - دەگەندى ايتتى.
ەسكە سالا كەتەيىك, ۇستىمىزدەگى جىلدىڭ ءساۋىر ايىندا پاۆلودار وبلىسى ەرتىس اۋدانى اپپاراتىنىڭ باسشىسى 29 جاستاعى جانات سماتاەۆ «مەرسەدەس» كولىگىن ىشىمدىك ىشكەن كۇيىندە جۇرگىزىپ كەلە جاتقان. ول ءوزىن توقتاتقان پوليتسيا قىزمەتكەرىن قاعىپ, وقيعا ورنىنان قاشىپ كەتكەن. جابىرلەنۋشىنى تاستاپ قاشقان ول ارتىنشا ۇستالىپ, قاماۋعا الىنعان بولاتىن.
بۇدان سوڭ جانات سماتاەۆقا «قۇقىق قورعاۋ ورگانى قىزمەتكەرىنىڭ ومىرىنە قاۋىپ ءتوندىردى» دەگەن ايىپ تاعىلىپ, سوت سانكتسياسى بويىنشا ەكى ايعا قاماۋعا الىنعان.
كەيبىر دەرەكتەردە سماتاەۆ جول-كولىك وقيعاسى بولاردان بىرنەشە كۇن بۇرىن ەرتىس اۋداندىق اپپاراتىنىڭ باسشىلىعىنان بوساتىلعانى مالىمدەلگەن.
دەگەنمەن, اكىمشىلىكتىڭ رەسمي سايتىندا وقيعا بولعاننان كەيىن دە ونىڭ «باسشىلىق قىزمەت اتقاراتىنى» بىرنەشە كۇن بويى كورسەتىلىپ تۇرعان.
قۇرىش نۇرىمبەت.
دەرەككوز: Tengrinews.kz.
فوتو: egemen.kz.