استانا. 8 مامىر. كيەۆ حالىقارالىق ۆاليۋتا قورى كرەديتىنىڭ ءبىرىنشى ترانشىن الدى. بۇل تۋرالى ۋكراينا ۇلتتىق بانكىنىڭ ءباسپاسوز قىزمەتىنىڭ دەرەگىنە سىلتەمە جاساعان ريا «نوۆوستي» حابارلادى.
«ءيا, ءبىز قارجى العانىمىزدى مويىندايمىز», - دەدى ونداعىلار. بىراق الىنعان قارجىنىڭ سوماسىن كورسەتۋدەن باس تارتتى. ۋنيان اگەنتتىگىنىڭ مالىمەتى بويىنشا, كەشە $3,19 ميلليارد كولەمىندەگى قارجى كەلىپ تۇسكەن. ال ەكىنشى جانە ءۇشىنشى ترانشتاردىڭ كولەمدەرى ينسپەكتسيانىڭ قورىتىندىسى بويىنشا بەرىلەدى. ول ءاربىر ەكى اي سايىن ءبىر رەت جۇرگىزىلىپ تۇرادى. سونىمەن بىرگە ۋكراينا حالىقارالىق ۆاليۋتا قورىنا توقسان سايىن ەسەپ بەرىپ تۇرمايدى.
ەسكە سالا كەتەيىك, كيەۆ اتالمىش قورمەن ناۋرىز ايىنىڭ سوڭىنا دەيىن كرەديت ءبولۋ جونىندە كەلىسىم جاساسقان بولاتىن. وتكەن اپتادا رەسپۋبليكا قارجى مينيسترلىگىنىڭ باسشىسى الەكساندر شلاپاك كيەۆتىڭ $16,8 ميلليارد شاماسىندا اقشا الۋعا نيەتتى بولىپ وتىرعانىن جاريالاعان ەدى.
قورداعىلار بولىنگەن قارجىنىڭ «ماكروەكونوميكالىق تۇراقتىلىقتى قالپىنا كەلتىرۋگە, ەكونوميكانى باسقارۋدى نىعايتۋعا, سونداي-اق جۇرتتىڭ مەيلىنشە ناشار تۇراتىن بولىگىن قورعاي وتىرىپ, سالاۋاتتى, مىعىم ەكونوميكالىق ءوسىمدى قامتاماسىز ەتۋگە جۇمسالاتىنىن» ايتتى.
ساكەن مايلىباي.
دەرەككوز: ريا «نوۆوستي».
فوتو: Robert Harding/World Imagery/globallookpress.