ەلوردانىڭ پوليتسيا قىزمەتكەرلەرى دارىحانالىق ناشاقورلىقتىڭ فاكتىلەرىن انىقتادى, دەپ حابارلايدى Egemen.kz.
ەلوردالىق پوليتسيا دەپارتامەنتى قالا بويىنشا رەيدتىك ءىس-شارالاردى تۇراقتى نەگىزدە وتكىزىپ تۇرادى. وسىعان قاراماستان, جوسىقسىز فارماتسەۆتتەر ءوز پايداسى ءۇشىن ەسىرتكىگە تاۋەلدى ادامدار مەن جاسوسپىرىمدەرگە قاتتى اسەر ەتەتىن مەديتسينالىق پرەپاراتتاردى رەتسەپتسىز ساتۋدى جالعاستىرۋدا. ماسەلەن, ەلوردالىق ەسىرتكى قىلمىسىنا قارسى ءىس-قيمىل باسقارماسىنىڭ قىزمەتكەرلەرى جانگەلدين جانە سىعاناق كوشەلەرىنىڭ بويىنداعى ءدارىحانالاردا جەدەل الدىن الۋ ءىس-شارالارىن جۇرگىزگەن كەزدە جك-نىڭ بىرىنە تيەسىلى «دارىلىك پرەپاراتتى دارىگەردىڭ رەتسەپتىسىز بوساتۋ» فاكتىلەرى قايتا قۇجاتتالعان.
«جك يەسىنە قاتىستى اقبتك 426-بابىنىڭ 2-بولىگى بويىنشا اكىمشىلىك ءىس قوزعالدى. سوت قاۋلىسىمەن ءدارىحانالاردىڭ قىزمەتىن 6 اي مەرزىمگە توقتاتا تۇرۋ تۇرىندەگى جازا تاعايىندالدى. وسىعان ۇقساس فاكتى مولداعۇلوۆا كوشەسىندەگى ءدارىحانادا انىقتالدى, وندا سوت شەشىمى بويىنشا 199 095 تەڭگە سوماسىندا ايىپپۇل تۇرىندە جازا تاعايىندالدى», دەلىنگەن ۆەدومستۆو حابارلاماسىندا.
جىل باسىنان بەرى پوليتسيا قىزمەتكەرلەرى مەديتسينالىق جانە فارماتسەۆتيكالىق باقىلاۋ كوميتەتىنىڭ نۇر-سۇلتان قالاسى بويىنشا دەپارتامەنتىمەن بىرلەسىپ اقبتك-ءنىڭ 426-بابى (فارماتسەۆتيكالىق قىزمەت جانە دارىلىك زاتتار, مەديتسينالىق ماقساتتاعى بۇيىمدار اينالىسى سالاسىنىڭ قاعيدالارىن بۇزۋ) بويىنشا 7 فاكتىنى انىقتادى.