روزا باعلانوۆا اتىنداعى مەملەكەتتىك «قازاقكونتسەرت» كونتسەرتتىك ۇيىمى گاسترولدىك ماۋسىمى باستالعان اباي وبلىسىنان كەيىنگى شىعىس قازاقستان وبلىسىنداعى گاسترولدىك ساپارىن اياقتادى, دەپ حابارلايدى Egemen.kz.
مەملەكەت باسشىسى قاسىم-جومارت توقاەۆتىڭ ەلىمىزدەگى مونوقالالاردى جان-جاقتى دامىتۋعا باعىتتالعان تاپسىرمالارىن ورىنداۋ ماقساتىندا, الپىس جىلدان استام تاريحى بار مادەنيەت پەن ونەردىڭ قارا شاڭىراعى بيىل بايىرعى گاسترولدىك ساپارلارىن جاڭعىرتاتىن جاڭا جوبانىڭ تۇساۋىن كەسىپ, روزا باعلانوۆا اتىنداعى مەملەكەتتىك «قازاقكونتسەرت» كونتسەرتتىك ۇيىمى 2022-2025 جىلدارعا ارنالعان جوسپارى بويىنشا ەل اۋماعىنداعى بارلىق مونو-قالالاردىڭ, شالعايداعى ەلدى مەكەن تۇرعىندارى ءۇشىن قولجەتىمدى, ساپالى مادەني شىعارمالاردى ۇسىنۋعا كىرىستى», دەپ اتاپ ءوتتى روزا باعلانوۆا اتىنداعى مەملەكەتتىك «قازاقكونتسەرت» كونتسەرتتىك ۇيىمىنىڭ ديرەكتورى اقتوتى رايىمقۇلوۆا.
شىعارماشىلىق ۇجىمنىڭ گاسترولدەرى قر مادەنيەت جانە سپورت مينيسترلىگىنىڭ جانە وبلىستارداعى جەرگىلىكتى اتقارۋشى ورگانداردىڭ قولداۋىمەن «ەل بىرلىگى - جاڭا قازاقستان» يميدجدىك جوباسىنىڭ اياسىندا ءساتتى ءوتتى.
شىعىس قازاقستان وبلىسىنداعى ساپارىندا اتالعان كونتسەرتتىك ۇيىم ءان مەن كۇيدەن تۇراتىن كەرۋەنى ريددەر, سەرەبريانسك, التاي قالالارىندا بولىپ, مونو-قالالاردىڭ تۇرعىندارىنىڭ ىستىق ىقىلاسىنا بولەندى.
ء«بىزدىڭ شاعىن قالامىزعا ونەر مەرەكەسىن الا كەلگەن ونەر ۇجىمىنا العىس بىلدىرەمىز. روزا باعلانوۆا اتىنداعى مەملەكەتتىك «قازاقكونتسەرت» كونتسەرتتىك ۇيىمىنىڭ بۇل گاسترولدىك ساپارى تەك وتكەنىمىزدى وشىرمەۋگە عانا ەمەس, وسكەلەڭ ۇرپاققا ۇلى ونەرىمىزدى ۇلىقتاۋعا ۇلكەن سەپ بولارى انىق. سوندىقتان روزا باعلانوۆانىڭ بۇگىنگى ءىزباسارلارىنا الداعى ۋاقىتتا ونەرلەرىنە تابىس تىلەي وتىرا راحمەتىمىزدى ايتامىز», دەدى ءبىر اۋىزدان شىعىستاعى كورەرمەندەر.