ءبىر شاڭىراق استىندا

شىعىس وڭىرىندەگى بارشا ۇلت پەن ۇلىس وكىلدەرى ريددەر قالاسىندا باس قوستى. وندا ەلىمىزدەگى بىرلىك پەن بەرەكەنى پاش ەتكەن «ءبىر شاڭىراق استىندا» اتتى دوستىق فورۋمى ءوتتى. شىعىس وڭىرىندەگى قازاقستان حالقىنىڭ بىرلىگى مەرەكە­سىنە بيىل 50 مىڭنان استام ادام قاتىستى. بۇل – تۇراقتىلىق پەن ۇلتارالىق تاتۋلىقتى بارشانىڭ قالايتىنىن, بەيبىتشىلىككە مۇددەلى ەكەنىن بايقاتادى. اتالعان مەرەكە ەلىمىزدىڭ ءار ازاماتىنىڭ, ءار مۇعالىمنىڭ, ءار كەنشىنىڭ, ءار وقۋشىنىڭ مەم­­لەكەتتىڭ تۇتاستىعى مەن تۇراق­تىلىعىن, بىرلىگىن ساقتاۋعا ۇلكەن ۇلەس قوسا الاتىنىن, ياعني قوعام دامۋىندا وزىندىك ورنى ماڭىزدى ەكەنىن سەزىندىردى. فورۋم بارىسىندا قازاقستان حالقى اسسامبلەياسىنىڭ «بىرلىك» مەدالىمەن «ارارات» ەتنومادەني بىرلەستىگىنىڭ توراعاسى يۋريك ۆار­جاپەتيان ماراپاتتالدى. سونىمەن بىرگە, ەلىمىزدەگى ۇلتارالىق كەلى­سىمدى نىعايتۋعا قوسقان ۇلەسى ءۇشىن دوستىق ۇيلەرىنە قازاقستان حالقى اسسامبلەياسىنىڭ قۇرمەت گراموتالارى مەن 2 ميلليون تەڭگەگە جۋىق قارجىلاي سىيلىق تاپسىرىلدى. – مەن كوپتەگەن جىلدار بويى وسى ەتنوورتالىققا جەتەكشىلىك ەتىپ كەلەمىن. بۇگىنگى ماراپات مەن ءۇشىن ۇلكەن ابىروي. كۇننەن-كۇنگە وركەندەپ, كوركەيىپ كەلە جاتقان ەلىمىزگە مەملەكەتتىك تۋىمىزدىڭ ءتۇ­سىندەي اشىق تا جارقىن اسپان ءتى­لەي­مىن. قازاقستاندا كوپتەگەن ۇلت وكىل­دەرى تاتۋ-ءتاتتى تۇرادى. ۇلت­تار مەن ۇلىس­تاردىڭ ءوزارا ءبىر­لىگى, تون­نىڭ ىشكى باۋىن­داي بو­لۋى بار­لىعىمىزدى قۋان­تادى. سوڭ­عى ۋاقىتتا الىستى ايت­پاعاندا, جا­­قىن ەلدەردە سايا­سي تۇراق­سىز­دىق­قا باستاعان ءتۇر­لى وقيعا­لاردى كو­رىپ وتىرمىز. سون­دىقتان, ەلبا­سى­مىزدىڭ ەلىمىز­دى ايران­داي ۇيىتىپ وتىرعان ەرەن ەڭبە­گىن جوعارى باعالايمىز, – دەدى يۋ.ۆار­جاپەتيان. ايتا كەتكەن ءلازىم, اتالعان فورۋم ءبىر شاڭىراق استىندا ەڭبەك ەتىپ جاتقان, ياعني وبلىستاعى بارلىق ەتنومادەني بىرلەستىكتەردىڭ, اۋدان اكىمدىكتەرى وكىلدەرىنىڭ, دوستىق ءۇي­­­لەرى باسشىلارىنىڭ باسىن قوستى. فورۋم قاتىسۋشىلارىنىڭ ءبىرى, بەلسەندى ريددەرلىك جاس اندرەي كۋرسانتوۆ ەلىمىزدىڭ حالقى – ءبىر, شاڭىراعى – ورتاق ەكەنىن جەتكىزىپ, بارشا قازاقستاندىقتاردى دوس­تىقتىڭ جوعارى بيىك ۇلگىسىن كور­سەتۋگە شاقىردى. ون ەكىنشى مارتە ۇيىمداستىرىلعان دوستىق فورۋمى سوڭىندا «لادۋشكي», «شىعىس جۇلدىزدارى», «دي­ۆەرسيس» سىندى ەتنومادەني بىرلەس­تىكتەردىڭ شىعارماشىلىق توپتارى ءوز ونەرلەرىن پاش ەتتى. دۋمان اناش, «ەگەمەن قازاقستان». شىعىس قازاقستان وبلىسى, ريددەر قالاسى.