جارتى جىل ىشىندە ەل اۋماعىندا 4,5 توننادان استام ءتۇرلى ەسىرتكى زاتتارى تاركىلەندى. بۇل تۋرالى قر ءىىم ەسىرتكى قىلمىسىنا قارسى ءىس-قيمىل دەپارتامەنتىنىڭ وكىلى دانيار ورالوۆ ايتتى, دەپ حابارلايدى Egemen.kz.
ەل اۋماعىندا 4,5 توننادان استام ءتۇرلى ەسىرتكى زاتتارى تاركىلەندى. ونىڭ ىشىندە 2,2 توننا ماريحۋانا, 400 كەلىدەن استام گاشيش جانە 87 كەلى سينتەتيكالىق ەسىرتكى بار.
«جىل باسىنان بەرى ەسىرتكى زاتتارىن زاڭسىز جارنامالاۋ نەمەسە ناسيحاتتاۋ بويىنشا 76 سوتقا دەيىنگى ءىس تىركەلگەن. ولاردى ينتەرنەت ارقىلى وتكىزۋ بويىنشا 153 قىلمىستىق ءىس تىركەلىپ وتىر. الەۋمەتتىك جەلىلەرگە جۇرگىزىلگەن مونيتورينگ بارىسىندا ەسىرتكىمەن پسيحوتروپتىق زاتتاردىڭ تارالۋىنا قاتىسى بار 1600-دەن استام ۆەب-سايتتار, اككاۋنتتار جانە باسقا رەسۋرستار انىقتالىپ, بۇعاتتالدى», دەدى دانيار ورالوۆ.