14 تامىز كۇنى تسەلينوگراد اۋدانى تايتوبە اۋىلىندا جەكە ۇيلەردىڭ ءبىرىنىڭ اۋماعىندا جارىلىس بولىپ, سالدارىنان تۇرعىندار زارداپ شەككەن, دەپ حابارلايدى Egemen.kz polisia.kz-كە سىلتەمە جاساپ.
وقيعا ورنىنا جەدەل جەتكەن پوليتسيا قىزمەتكەرلەرى تەكسەرۋ جۇرگىزىپ, مەحانيكالىق زاقىمدالماعان گاز باللوندى تاۋىپ, تاركىلەدى. اتالعان فاكتى قر قك 292-بابىنىڭ 2-بولىگى ء(ورت قاۋىپسىزدىگىنىڭ تالاپتارىن بۇزۋ) بويىنشا سوتقا دەيىنگى تەرگەپ-تەكسەرۋدىڭ بىرىڭعاي تىزىلىمىندە تىركەلدى.
ماتەريالداردى جيناۋ بارىسىندا انىقتالعانداي, 14 تامىزدا ءۇي يەسى مەن ونىڭ اعاسى كومىردى سۇرىپتاۋمەن اينالىسقان. جۇمىس كەزىندە بەلگىسىز زات جارىلعان. سالدارىنان ءۇي يەسى وقيعا ورنىندا قايتىس بولدى. ەكىنشى ەر ادام مەن ونىڭ بالاسى ءتۇرلى جاراقاتتارمەن نۇر-سۇلتان قالاسىنىڭ ەمدەۋ مەكەمەلەرىنە جاتقىزىلدى.
پوليتسيا قىزمەتكەرلەرى جارىلىستىڭ كوزى مەن تەحنيكالىق سەبەبىن انىقتاۋعا مۇمكىندىك بەرەتىن سوت-جارىلىس تەحنيكالىق ساراپتاماسىن تاعايىندادى.