قازاقستان ۇكىمەتى «زەردە» حولدينگى» اكتسيونەرلىك قوعامىن جابۋ تۋرالى قاۋلى شىعاردى, دەپ حابارلايدى Egemen.kz.
«قر ۇكىمەتى 2022 جىلدىڭ 5 تامىزىندا «زەردە» ۇلتتىق اقپاراتتىق-كوممۋنيكاتسيالىق حولدينگى» اكتسيونەرلىك قوعامىن جابۋدى كوزدەيتىن قاۋلىنى قابىلدادى. اتالعان قۇجات قازاقستان رەسپۋبليكاسىنىڭ نورماتيۆتىك-قۇقىقتىق اكتىلەر ەتالوندىق باقىلاۋ بانكىندە جاريالانادى», دەپ حابارلادى ۇكىمەتتىڭ ءباسپاسوز قىزمەتىنەن.
بۇعان دەيىن «زەردە» حولدينگىن جابۋ جىلىنا شامامەن 3 ملرد تەڭگەنى ۇنەمدەۋگە مۇمكىندىك بەرەتىندىگى حابارلانعان بولاتىن.