وسكەمەندە پوليتسيا قىزمەتكەرلەرى 31 جاستاعى قالا تۇرعىنىنان 50 گراممعا جۋىق ماريحۋانا تاركىلەدى, دەپ حابارلايدى Egemen.kz.
– عارىش كوشەسىن پاترۋلدەپ ءجۇرىپ, ءىس-ارەكەتى كۇدىك تۋدىرعان ازاماتتىڭ سوڭىنا تۇستىك. مۇنىمىزدى اڭعارعان ول, جاسىرىنىپ قالۋعا تىرىستى. دەگەنمەن ونى توقتاتىپ, ءتىنتۋ جۇرگىزدىك. سونىڭ ناتيجەسىندە وسىمدىك تەكتەس زاتى بار پوليەتيلەن پاكەت پەن جاسىل ءتۇستى زاتى بار قاعاز تۇيىنشەك تاركىلەندى, – دەيدى ءتارتىپ ساقشىلارى.
ساراپتامادان كەيىن تاركىلەنگەن زاتتاردىڭ سالماعى 46,16 گرامم كەپتىرىلگەن ماريحۋانا ەكەنى بەلگىلى بولدى. اتالعان فاكتى بويىنشا قىلمىستىق كودەكستىڭ 296-بابى 2-بولىگى بويىنشا سوتقا دەيىنگى تەرگەۋ امالدارى جۇرگىزىلىپ جاتىر.