ۇيىمداسقان قىلمىستىق توپ كوكشەتاۋ قالاسىندا 2016 جىلدىڭ اقپان ايىنان 2019 جىلدىڭ شىلدە ايىنا دەيىنگى ارالىقتا ءوز قىزمەتىن جۇزەگە اسىرعان كەزەڭدە م ۇلىكتىك پايدا الۋ ءۇشىن كونتراگەنت كاسىپورىندارعا تاۋارلاردى جەتكىزبەي, جۇمىستاردى ورىنداماي, قىزمەتتەردى كورسەتپەي, بىرنەشە رەت جالعان شوت-فاكتۋرالار بەرگەن, دەپ حابارلايدى Egemen.kz.
«كەيىن زاڭسىز جولمەن الىنعان قاراجات ۇيىمداسقان قىلمىستىق توپ مۇشەلەرى اراسىندا تاراتىلعان. سالىق تولەۋدەن جالتارۋ ارقىلى «فيرما ستروينۆەست استانا» جشس, «الاد-كوكشە» جشس مەملەكەتكە جالپى سوماسى 184 ميلليون تەڭگەدەن استام شىعىن كەلتىرگەن», دەپ مالىمدەدى قارجى نارىعىن رەتتەۋ اگەنتتىگىنىڭ ءباسپاسوز قىزمەتى.
سوت ۇكىمىمەن كىنالىلەردەن قىلمىستىق جولمەن تابىلعان سوماداعى قاراجات تاركىلەنىپ, ولار 5 جىلعا باس بوستاندىعىنان ايىرىلدى.