حالىقارالىق قاتىناستاردى ودان ءارى جاڭارتۋ جانە اشۋ جونىندەگى جۇمىس شەڭبەرىندە يدم ازاماتتىق اۆياتسيا كوميتەتى قىتاي حالىق رەسپۋبليكاسىنىڭ اۆياتسيالىق بيلىكتەرىمەن بىرلەسىپ, قازاقستان مەن قىتاي اراسىنداعى تۇراقتى جولاۋشىلار رەيستەرىن ۇلعايتۋ ماسەلەسىن پىسىقتادى, دەپ حابارلايدى Egemen.kz.
قىتايدىڭ «Air China» اۆياكومپانياسى وسى جىلى 21 تامىزدان باستاپ ا320 ءتيپتى اۋە كەمەلەرىندە ءار جەكسەنبى سايىن نۇر-سۇلتان – چەندۋ جاڭا باعىتى بويىنشا تۇراقتى جولاۋشىلار رەيستەرىن باستاۋدى جوسپارلاپ وتىر.
قازاقستان مەن قىتاي اراسىنداعى اۋە قاتىناسىن ۇلعايتۋ ەكى ەل اراسىنداعى ساۋدا-ەكونوميكالىق, ينۆەستيتسيالىق, تۋريستىك جانە مادەني ىنتىماقتاستىقتى دامىتۋدى جەدەلدەتۋگە مۇمكىندىك بەرەدى.
ۇشۋلاردى سانيتارلىق-ەپيدەميولوگيالىق تالاپتاردى قاتاڭ ساقتاي وتىرىپ جانە اۋەكومپانيا سايتىندا جاريالانعان كەستەمەن ورىنداۋ جوسپارلانعانىن اتاپ وتكەن ءجون.