الماتىدا پوليتسيا كولىگى ايەلدى قاعىپ ءولتىردى. بۇل اقپاراتتى الماتى پوليتسيا دەپارتامەنتى راستادى, دەپ حابارلايدى Egemen.kz.
الماتى قالالىق پوليتسيا دەپارتامەنتى مالىمەتىنشە, وقيعا 3 تامىزدا ساعات 23.25-تە بولعان.
«حيۋنداي» ماركالى قىزمەتتىك كولىك جۇرگىزۋشىسى, پاترۋلدىك پوليتسيا پولكىنىڭ قىزمەتكەرى, 1993 جىلى تۋعان ازامات ت.جانسۇگىروۆ كوشەسىمەن وڭتۇستىك باعىتتا كەلە جاتىپ, اقپاەۆ كوشەسى قيىلىسىندا 49 جاستاعى ايەلدى قاعىپ كەتكەن. وكىنىشكە قاراي, ايەل وقيعا ورنىندا قازا بولدى. بۇل فاكت قر قىلمىستىق كودەكسىنىڭ 345-بابى 3-بولىگى بويىنشا سوتالدى تەرگەپ-تەكسەرۋدىڭ بىرىڭعاي تىزىلىمىنە تىركەلدى», دەدى الماتى قالالىق پد ءباسپاسوز قىزمەتى وكىلدەرى.
جۇرگىزۋشى ۋاقىتشا ۇستاۋ يزولياتورىنا قامالدى. ساراپتامالار تاعايىندالدى.