ماسكەۋ وبلىسىنىڭ يسترينسكي اۋدانىندا Ozon ونلاين-ماركەتپلەيسىنىڭ قويماسى ورتەندى, دەپ حابارلايدى Egemen.kz.
ءورتتىڭ اۋماعى 55 مىڭ شارشى مەتردى قۇرادى, عيماراتتىڭ 22 مىڭ شارشى مەتر توبە جابىنى قۇلاعان. قويمادان ءورت شىققاندا مىڭعا جۋىق قىزمەتكەر قاۋىپسىز جەرگە كوشىرىلدى, 13 ادامنىڭ زارداپ شەككەنى بەلگىلى بولدى.
ماسكەۋ وبلىسىنىڭ گۋبەرناتورى اندرەي ۆوروبەۆ ەكى ادامنىڭ ىزدەستىرىلىپ جاتقانىن جەتكىزدى. تجم قازا تاپقاندار تۋرالى اقپاراتتى راستاعان جوق.
«20 شاقتى ادامنىڭ قايدا ەكەنى بەلگىسىز. تەلەفوندارى ءوشىرۋلى تۇر. ولاردىڭ بارلىعى جۇمىستا بولعان», دەپ حابارلادى جەدەل قىزمەت وكىلدەرى.