شىمكەنتتە ەكى جاسار بالا كوپقاباتتى ءۇيدىڭ تەرەزەسىنەن قۇلاپ كەتتى. قالالىق بالالار اۋرۋحاناسىنا جەتكىزىلگەن ول اۋىر حالدە جاتىر, دەپ حابارلايدى Egemen.kz.
قالالىق تجد ءباسپاسوز قىزمەتىنىڭ مالىمەتىنشە, وقىس وقيعا بۇگىن ساعات 14:00 شاماسىندا «تۇران» شاعىناۋدانىندا بولعان. بەس قاباتتى تۇرعىن ءۇيدىڭ ەكىنشى قاباتىنان قۇلاعان ءبۇلدىرشىن ۇلكەندەردىڭ قاراۋىنسىز قالعانى بەلگىلى بولدى. قازىر ول اۋرۋحانادا جاتىر.
«وقيعانىڭ ءمان-جايىن پوليتسيا قىزمەتكەرلەرى انىقتايدى. جىل باسىنان بەرى شىمكەنت قالاسىندا بالالاردىڭ تەرەزەدەن قۇلاۋ جاعدايى 4-ءشى رەت تىركەلىپ وتىر. بارلىق جاعدايدا بالالار اتا-انالارىنىڭ قاراۋىنسىز قالعان», دەلىنگەن حابارلامادا.