ددۇ باسشىسى تەدروس ادحانوم گەبرەيەسۋس الماتىعا بەيرەسمي ساپارمەن كەلدى, دەپ حابارلايدى Egemen.kz.
تەدروس ادحانوم گەبرەيەسۋس بۇگىن قازاقستاننىڭ جەتەكشى مەديتسينالىق ۋنيۆەرسيتەتى اسفەندياروۆ اتىنداعى قازاق ۇلتتىق مەديتسينا ۋنيۆەرسيتەتىنە (قازۇمۋ) بارعان.
اسفەندياروۆ اتىنداعى قازۇمۋ ءباسپاسوز قىزمەتى مالىمەتىنشە, مەديتسينالىق ۋنيۆەرسيتەتتە دەنساۋلىق ساقتاۋ ءمينيسترى اجار عينيات ددۇ باسشىسىن قارسى العان. ددۇ باس ديرەكتورى ۋنيۆەرسيتەتتىڭ قۇرمەتتى قوناقتارى كىتابىنا ەستەلىك جازبا قالدىردى. اكادەميك شارمانوۆ اتىنداعى داڭق زالىندا تەدروس گەبرەيەسۋس قازاقستاندىق عىلىم مەن مەديتسينانىڭ جەتەكشى قايراتكەرلەرى – قازۇمۋ پروفەسسورلارىمەن كەزدەستى, الەمدەگى ەپيدەميولوگيالىق جاعدايدىڭ دامۋى تۋرالى سۇراقتارعا جاۋاپ بەردى.
قازۇمۋ رەكتورى مارات شورانوۆ ددۇ باسشىسىنا قازاقستاننىڭ جەتەكشى مەديتسينالىق ۋنيۆەرسيتەتىنە كەلگەنى ءۇشىن العىسىن ءبىلدىردى.
«دۇنيەجۇزىلىك دەنساۋلىق ساقتاۋ ۇيىمىنىڭ باس ديرەكتورى لاۋازىمىنا ەكىنشى مەرزىمگە سايلانۋىڭىزبەن قۇتتىقتايمىز. پاندەميانىڭ العاشقى كۇندەرىنەن باستاپ ددۇ-عا مۇشە مەملەكەتتەرگە قولداۋ كورسەتىپ كەلەدى. مەملەكەتىمىزدىڭ باسشىسى قاسىم-جومارت توقاەۆ 2021 جىلى سىزبەن ونلاين كەزدەسۋىندە جانە ددۇ اسسامبلەياسىندا سويلەگەن سوزىندە پاندەميا كەزىندە قازاقستانعا كورسەتكەن كومەگىڭىزدى جوعارى باعالايتىنىن ايتقان. ول كەزدە مەن دەنساۋلىق ساقتاۋ ۆيتسە-ءمينيسترى بولىپ جۇمىس ىستەدىم, سىزگە جانە ءسىزدىڭ ۇجىمعا العىسىمدى قابىل الىڭىزدار», دەدى قازۇمۋ رەكتورى.
مەديتسينالىق ۋنيۆەرسيتەتتىڭ ءباسپاسوز قىزمەتى مالىمەتىنشە, بۇعان دەيىن ددۇ باسشىسى قالا اكىمى ەربولات دوساەۆپەن كەزدەسكەن.