تەكسەرۋ قورىتىندىسى: جەرگىلىكتى بيلىك نەگە اسىعىس مالىمدەمە جاسادى؟

Egemen Qazaqstan گازەتىندە جاريالانعان «تۇماننان تۋعان كۇمان سەيىلدى» تاقىرىبىنداعى ماقالادا تۇسىنىكتەمە بەرگەن «قاز­فوسفات» جشس باس ەكولوگى ارمان قاراعاليەۆ جاعدايدىڭ باقىلاۋدا ەكەنىن ايتقان ەدى. وعان حابارلاسقانىمىزدا: «ناق­تى ۋاقىت رەجىمىندەگى اۆتومات­تاندىرىلعان باقىلاۋ جۇيەسىنىڭ كورسەتكىشتەرى بويىنشا نەگىزگى شىعارىندىلار كوزىندە (بگس ءبولىمى) فتوريد سۋتەگىنىڭ ار­تىق مولشەرى تىركەلمەگەن. ات­موس­فەرالىق اۋاداعى شەكتى رۇقسات ەتىلگەن كونتسەنتراتسيادان اس­پاي­تىن دەڭگەيدەگى لاستاۋشى زاتتار تۇرعىنداردىڭ دەنساۋلىعى­نا جانە قورشاعان ورتاعا اسەر ەتپەيدى», دەپ مالىمدەمە جاسا­عان دا بولاتىن.

جامبىل وبلىسى اكىمىنىڭ ورىنباسارى رۇستەم داۋلەت تە رەسپۋبليكالىق باق-تا «قاز­گيدرومەت» كەلتىرگەن دەرەك­تەر­گە سىلتەمە جاساي وتىرىپ, اۋا­­عا زياندى زاتتار تارا­ماعا­نىن, جۇمىستىڭ دەر كەزىندە قولعا الىنۋىنا بايلانىستى تۇرعىندار دەنساۋلىعىنا ەشبىر زيان جوق ەكەنىن ايتقان بولاتىن. ارينە, وبلىس اكىمىنىڭ ورىنباسارى مامانداردىڭ سوزىنە سەنگەن بولۋى مۇمكىن. الايدا وبلىس بويىنشا ەكولوگيا دەپارتامەنتى جۇرگىزگەن جوسپاردان تىس تەكسەرۋ ءبىراز ماسەلەنىڭ بەتىن اشتى. سوعان قاراعاندا مالىمدەمە جاساۋ تۇرعىسىنان جەرگىلىكتى اتقارۋشى بيلىك اسىعىستىق تا­نىتقان سياقتى.

دەپارتامەنت باسشىسىنىڭ مىن­دەتىن اتقارۋشى ارسەن لاتى­پوۆتىڭ ايتۋىنشا, تەكسەرۋ قو­رى­تىندىسى بويىنشا ءبىر ەمەس, بەس بىردەي كەمشىلىك انىقتالعان.

«سول وقيعادان كەيىن قور­شاعان ورتاعا كەلتىرىلگەن زيان از بولعان جوق. ناقتىراق ايتار بولساق, 1 توننا 92 كيلوگرامم كۇكىرت اۋاعا تاراپ ۇلگەردى. بۇل – سول ون سەگىز مينۋتتا ورىن العان جاعداي. جالپى, انىقتالعان بەس كەمشىلىك بويىنشا سەرىكتەستىك­كە 5 ملن 641 مىڭ 730 تەڭگە ايىپ­پۇل سالىندى», دەدى ول جاعداي­دى ءتۇسىندىرىپ.

راسىندا دا, اۋەلدە مينە­رالدى تىڭايتقىشتار زاۋىتىنان تاراعان تۇتىننەن حالىق­قا ەشقانداي زيان جوق ەكەنىن دالەل­دەۋگە تىرىسقاندار از بول­عان جوق. ال ەكولوگيا دەپار­تامەنتى جۇرگىزگەن تەكسەرۋ قو­رى­­­تىندىسىندا ەكولوگيالىق زاڭ­نا­مانىڭ ءبىر ەمەس, بەس بىردەي تار­ماعى بويىنشا زاڭناما­نىڭ بۇزىلعانى انىقتالدى. كەمشىلىكتەردى جويۋ بويىنشا نۇسقاۋلىق بەرىلدى. قىسقاسى, قوعام ءۇشىن ماڭىزدى ماسەلەدە اسىعىس بايلام جاساماۋ كەرەك. سوڭى نە بولدى؟ «قورشاعان ورتاعا ەشقانداي زيانى جوق» دەگەن اڭگىمە ەندى, مىنە, شىندىققا جاناسپايتىنى انىقتالىپ وتىر.

جامبىل وبلىسى