زاڭدى تۇلعالاردان قۇجاتتاردى قابىلداۋدى وڭتايلاندىرۋ ماقساتىندا وتىنىشتەردى قابىلداۋ ورتالىقتارى جۇمىس ىستەيتىن اۋداندىق حقكو بولىمشەلەرى ارقىلى وتىنىشتەردى قابىلداۋدى ۇيىمداستىرۋ بويىنشا جۇمىس جۇرگىزىلدى. بۇل تۋرالى نۇر-سۇلتان قالاسى بويىنشا «ازاماتتارعا ارنالعان ۇكىمەت» مەملەكەتتىك كورپوراتسياسى» كەاق ءباسپاسوز قىزمەتى مالىمدەدى, دەپ حابارلايدى Egemen.kz ەلوردا اكىمدىگىنىڭ رەسمي سايتىنا سىلتەمە جاساپ.
«ەندى زاڭدى تۇلعالارعا قۇجاتتاردى تاپسىرۋ ءۇشىن فيليالدىڭ كەڭسەسىنە كەلۋدىڭ قاجەتى جوق. قالانىڭ كەز كەلگەن حقكو جۇگىنۋگە بولادى. ايتا كەتۋ كەرەك, قازىرگى ۋاقىتتا ەلەكتروندىق ۇكىمەت پورتالىندا رەزيدەنت ەمەستەر ءۇشىن باسشىنىڭ اۋىسۋى, ورنالاسقان جەرىنىڭ وزگەرۋى ەلەكتروندىق حابارلاما نەگىزىندە ەمەس, اۆتوماتتاندىرىلعان رەجيمدە بازاعا ەنگىزىلمەيدى. سوندىقتان قالانىڭ حقكو-نىڭ 6 بولىمشەسىندە وتىنىشتەردى قابىلداۋ ورتالىقتارى اشىلدى, وندا 6 جۇمىس ورنى قۇرىلدى, 6 وپەراتور جۇمىس ىستەيدى», دەپ حابارلادى «ازاماتتارعا ارنالعان ۇكىمەت» مەملەكەتتىك كورپوراتسياسىنىڭ نۇر-سۇلتان قالاسى بويىنشا فيليالىنىڭ ديرەكتورى ءمادي سادانوۆ.
اتاپ ايتقاندا, حابارلاما سيپاتىنداعى قىزمەتتەردى كورسەتۋ حقكو - لاردا زاڭدى تۇلعالاردان جىبەرىلەتىن قۇجاتتاردىڭ مىناداي تۇرلەرى بويىنشا جۇزەگە اسىرىلادى:
1)زاڭدى مەكەنجايىنىڭ (رەزيدەنت ەمەستەردىڭ) وزگەرگەنى تۋرالى حابارلاما2)زاڭدى تۇلعا باسشىسىنىڭ (رەزيدەنت ەمەستەردىڭ) وزگەرگەنى تۋرالى حابارلاما3) زاڭدى تۇلعانىڭ جارعىلىق كاپيتالىن ۇلعايتۋ تۋرالى حابارلاما4) زاڭدى تۇلعانىڭ ەكونوميكالىق قىزمەت ءتۇرىن وزگەرتۋ تۋرالى حابارلاما5)باسشى مەن قۇرىلتايشىنىڭ دەربەس دەرەكتەرىنىڭ وزگەرگەنى تۋرالى حابارلاما (ت. ا. ءا.)6) زاڭدى تۇلعالاردىڭ تىركەلگەن زاڭدى تۇلعا تۋرالى مالىمەتتەردى ۇسىنۋعا قاتىستى سۇراۋ سالۋلارى.
جوعارىدا كورسەتىلگەن قىزمەتتەر حابارلاما تارتىبىمەن جۇزەگە اسىرىلادى, تىركەۋ الىمىن تولەۋ كوزدەلمەگەن.
جىل باسىنان نۇر-سۇلتان قالاسىنىڭ فيليالى بويىنشا حابارلاما سيپاتىنداعى 5432 ءوتىنىش كەلىپ ءتۇستى.
ونىڭ 2304 - ءى ەۇپ, 3128-ءى كەڭسە ارقىلى قابىلداندى.