قر ءپىب مەديتسينالىق ورتالىعىنىڭ اۋرۋحاناسى حالىقارالىق ستاندارتتارعا سايكەستىگىن تاعى دا راستاپ, JCI اككرەديتتەۋ راسىمىنەن ءساتتى ءوتتى, دەپ حابارلايدى Egemen.kz.
Joint Commission International (JCI) اككرەديتتەۋى – مەديتسينالىق قىزمەت ساپاسىنىڭ, پاتسيەنت قاۋىپسىزدىگىنىڭ, ەمدەۋدىڭ دۇرىس جانە زاماناۋي ادىستەرىن قولدانۋدىڭ ەڭ جوعارعى كورسەتكىشى. وسىلايشا, موا مەديتسينالىق مەكەمەلەر اراسىندا ساپا مەن قاۋىپسىزدىك سالاسىنداعى جوعارى ستاندارتتارعا ساي ەكەنىن راستادى.
مەديتسينالىق ورتالىق اۋرۋحاناسىنىڭ ديرەكتورى ۆالەري بەنبەرين مەكەمەنىڭ اككرەديتتەۋ سەرتيفيكاتىنىڭ بولۋى كورسەتىلەتىن قىزمەت دەڭگەيىنىڭ تىكەلەي كورسەتكىشى ەكەنىن اتاپ ءوتتى.
ء«بىز ءۇشىن الەمدە مەديتسينالىق قىزمەت كورسەتۋ ساپاسىن جاقسارتۋ جونىندەگى جاھاندىق ۇدەرىستىڭ ءبىر بولىگى بولۋ – ۇلكەن مارتەبە. JCI اۋديتورلارىنا ناتيجەلى جۇمىسى مەن قاجىرلى ەڭبەگى ءۇشىن العىسىمىزدى بىلدىرەمىز. اۋرۋحانانىڭ حالىقارالىق ستاندارتتى راستاۋى – ءبىز ءۇشىن پاتسيەنتتەردىڭ قاۋىپسىزدىگى مەن قىزمەت ساپاسىنىڭ جوعارى بولۋى ءبىرىنشى ورىندا ەكەندىگىنىڭ تاعى ءبىر دالەلى», دەدى ۆالەري بەنبەرين
ايتا كەتۋ كەرەك, مەديتسينالىق ورتالىق اۋرۋحاناسى JCI سەرتيفيكاتىن العاش رەت 2016 جىلى العان بولاتىن. سەرتيفيكات العان مەديتسينالىق ۇيىمدار ونى ءار ءۇش جىل سايىن راستاپ وتىرادى.
جىل سايىن قر ءپىب مەديتسينالىق ورتالىعىنىڭ اۋرۋحاناسى كلينيكالىق كورسەتكىشتەر بويىنشا دا, مەنەدجمەنت كورسەتكىشتەرى بويىنشا دا قازاقستان رەسپۋبليكاسى ستاتسيونارلارىق قىزمەتىنىڭ رەيتينگتىك باعالاۋ تىزىمىندە جەتەكشى ورىن الادى. اۋرۋحانانىڭ ەمدىك-دياگنوستيكالىق بولىمشەلەرى زاماناۋي مەديتسينالىق جابدىقتارمەن قامتاماسىز ەتىلگەن. اۋرۋحانادا قولدانىلاتىن تەحنولوگيالاردىڭ قازاقستاندا, كەيبىرەۋىنىڭ تمد ەلدەرىندە دە بالاماسى جوق. جىل سايىن قر ءپىب موا-دا 8000-نان استام پاتسيەنت ەمدەلەدى.