اسكەريلەر اراسىنداعى سۋيتسيدپەن كۇرەسۋ ءۇشىن قر قارۋلى كۇشتەرىنىڭ جەكە قۇرامىنا قاشىقتان باقىلايتىن بىلەزىكتەر بەرىلۋى مۇمكىن. بۇل تۋرالى قر قورعانىس ءمينيسترىنىڭ ورىنباسارى دارحان احمەديەۆ ايتتى, دەپ حابارلايدى Egemen.kz.
ء«بىز قازاقستاندىق ءىت-كومپانيالاردى تارتتىق. ولار اسكەري بولىمدەردى بەينەكامەرامەن جابدىقتاۋعا كومەكتەسۋى كەرەك. سونداي-اق جۋىقتا قازاقستاندىق ءبىر كاسىپورىن بىلەزىك تەحنولوگياسىن ۇسىندى. ول بىلەزىك ارقىلى ءار جاۋىنگەردىڭ تامىر سوعىسىن, جاعدايىن قاداعالاپ وتىرۋعا بولادى. ورتالىق پۋنكت ارقىلى مونيتورينگ جاساپ, قاي ساربازدىڭ قاي جەردە جۇرگەنىن, جاعدايى قالاي ەكەنىن ءبىلىپ وتىرۋعا بولادى. سونىمەن بىرگە جان-جاقتى اناليز ارقىلى سۋيتسيدكە بەيىم جاۋىنگەرلەردى انىقتاي الاتىن ءىت-شەشىمدەر بار», دەدى ۆيتسە-مينيستر.
ونىڭ ايتۋىنشا, ءىت-تاسىلدەردى قولدانۋداعى باستى ماقسات – جاۋىنگەرلەردىڭ بۇكىل قوزعالىسىن ورتالىقتان باقىلاپ وتىرۋ.
«اسكەريدىڭ تامىر سوعىسى مەن ورنالاسقان جەرىن كورسەتىپ تۇراتىن بىلەزىكتەر بار ەكەنىن ايتتىم. ياعني, بىلەزىك اقپارات تاراتۋىن توقتاتسا, داتچيگى قاي تۇستا وشىرىلگەنىن بىلە الامىز. كومانديرلەر سول تۇسقا شۇعىل بارىپ, نە بولىپ جاتقانىن انىقتاي الادى. سۋيتسيدكە بەيىمدىلىكتى تەكسەرەتىن پسيحولوگيالىق تەستتەر بار. بۇگىندە وسى شارالار قولعا الىنىپ جاتىر», دەدى ءمينيستردىڭ ورىنباسارى.