قازاقستان اۋماعىندا ناۋقاستارعا كەرەك ءدارى-دارمەك جەتكىلىكتى. بۇل تۋرالى ۇكىمەت وتىرىسىندا كوروناۆيرۋستىڭ تارالۋىنا جول بەرمەۋ تاقىرىبىن تالقىلاۋ كەزىندە دەنساۋلىق ساقتاۋ ءمينيسترى اجار عينيات ايتتى, دەپ حابارلايدى Egemen.kz.
«ناۋقاستارعا كەرەك ءدارى-دارمەك جەتكىلىكتى. اۋرۋحانالاردا ءدارى-دارمەكتىڭ 16 اتاۋى بويىنشا ەكى ايلىق قورى قامتاماسىز ەتىلدى. ال ەمحانالار مەن امبۋلاتوريالاردا 1,3 ملرد تەڭگەدەن استام سوماعا ءدارى ساتىپ الىنىپ, قور جاساقتالدى. بۇل ءوز كەزەگىندە 80 مىڭ پاتسيەنتكە جەتكىلىكتى», دەدى ا. عينيات.
ونىڭ ايتۋىنشا, قوسىمشا بىرىڭعاي ديستريبيۋتور قويمالارىنا 4 ملرد تەڭگەگە ءدارى-دارمەك الىندى.
«مينيسترلىك ءدارى-دارمەك, ۆاكتسينامەن قامتاماسىز ەتۋدى تۇراقتى باقىلاۋىندا ۇستاپ وتىر», دەدى ۆەدومستۆو باسشىسى.