يرانداعى سۋ تاسقىنىنان قازا تاپقاندار سانى 56 ادامعا جەتتى, دەپ حابارلايدى Egemen.kz يرنا-عا سىلتەمە جاساپ.
«سۋ تاسقىنىنان قايتىس بولعاندار سانى 56 ادامعا جەتتى. وكىنىشكە قاراي, ءبىزدىڭ 18 ازاماتىمىز جوعالعاندار تىزىمىندە. ءبىزدىڭ كوماندا سۋ تاسقىنى بولعان جەردە ىزدەۋ-قۇتقارۋ جۇمىستارىن جالعاستىرىپ جاتىر», دەدى يران قىزىل جارتى اي قۇتقارۋ جانە كومەك كورسەتۋ قىزمەتىنىڭ باسشىسى مەحدي ۆەليپۋر.
ونىڭ ايتۋىنشا, ىزدەۋ-قۇتقارۋ جۇمىستارى ءالى دە ءجۇرىپ جاتىر. قازىرگى ۋاقىتتا 3700 ادام ۋاقىتشا باسپانامەن قامتىلعان. 2500 ادام قۇتقارىلىپ, قاۋىپسىز اۋدانعا كوشىرىلگەن.