وتاندىق ساراپشىلار ءبىلىم بەرۋدەگى جاھاندىق ترەندتەردى تالقىلادى

جيىندا الەمدىك جانە قازاقستاندىق ترەندتەردى قامتيتىن ءبىلىم بەرۋ سالاسىنداعى سوڭعى زەرتتەۋلەر تالقىلاندى.

ساراپشىلار قازاقستاندا «2022 جىل - بالالار جىلى» دەپ جاريالانۋى بالالار مەن جاستاردىڭ الەۋمەتتىك ءال-اۋقاتى ماسەلەلەرى بويىنشا كەڭ اۋقىمدى پىكىرتالاسقا سەرپىن بەرەدى دەپ ەسەپتەيدى. كەزدەسۋگە قاتىسۋشىلار بالالار مەن جاستاردىڭ مۇددەسى ءۇشىن جوبالاردى ازىرلەۋ كەزىندە ساراپتامالىق قوعامداستىقتىڭ زەرتتەۋلەرى مەن باياندامالارىنىڭ ناتيجەلەرىن ەسكەرۋ جانە ولاردى مونيتورينگتىڭ وبەكتيۆتى نىساندارى مەن ۇسىنىمداردى قالىپتاستىرۋ قۇرالدارى رەتىندە پايدالانۋ ماڭىزدى ەكەنىن اتاپ ءوتتى.

ء«بىزدىڭ بارلىعىمىزدىڭ مىندەتىمىز - ءبىلىم بەرۋ سالاسىنداعى ساراپشىلار رەتىندە عانا ەمەس, اتا-انالار مەن جاي عانا جاناشىر ادامدار رەتىندە جاڭا قازاقستاندا بالالارىمىزدىڭ مەكتەپتەر مەن ۋنيۆەرسيتەتتەردە تەك ءبىلىم الىپ قانا قويماي, سونىمەن قاتار ولارعا كومەكتەسەتىن داعدىلاردى يگەرۋى ءۇشىن بارلىق كۇش-جىگەرىمىزدى سالۋ, باسقا ەلدەردەن كەلگەن ءوز قۇرداستارىنىڭ الدىندا باسەكەگە قابىلەتتى بولۋ», دەدى «ەلباسى اكادەمياسى» كق ديرەكتورى اسلانبەك امرين.

تالقىلاۋ تاقىرىپتارى مەكتەپتە جانە جوعارى وقۋ ورنىندا وقىتۋ ماسەلەلەرى, بيزنەس پەن عىلىمنىڭ ءوزارا ءىس-قيمىلى ماسەلەلەرى بولدى. «ەلباسى اكادەمياسى» ديرەكتورىنىڭ ايتۋىنشا, جوعارى ءبىلىم ەكونوميكانىڭ ماسەلەلەرى مەن پروبلەمالارىن شەشۋى ءتيىس, سوندىقتان وقۋ باعدارلامالارىن جاساۋ ءۇشىن بيزنەستى بەلسەندى تۇردە تارتۋ قاجەت.

ء«اربىر جوعارى وقۋ ورنى بارىنشا جيناقتالعان جانە ول ورنالاسقان ءوڭىردىڭ پروبلەمالارىن شەشۋگە باعىتتالعان بولۋى ءتيىس. بولاشاقتا جوعارى ءبىلىم ەرەكشە پاندەردى بىرىكتىرىپ, ناتيجەسىندە جۇمىس داعدىسىن جانە ەلىمىز ءۇشىن قاجەتتى باسقا دا نارسەلەردى دامىتاتىنىنا سەنىمدىمىن», دەدى ول.

ساراپشىلاردىڭ پىكىرىنشە, بولجانىپ وتىرعان ترەندتەردىڭ ءبىرى وتاندىق ەكونوميكانى كادرلارمەن ناقتى قامتاماسىز ەتۋگە باعىتتالعان دەربەستەندىرىلگەن ءبىلىم بەرۋ بولماق.

«جەكە ءبىلىم بەرۋدى دامىتۋ ماڭىزدى ەكەنىنە سەنىمدىمىن, سوندىقتان اكادەميادا ءبىز بالالاردىڭ تالانتتارى مەن قابىلەتتەرىن انىقتاۋعا مۇمكىندىك بەرەتىن جوبانى جۇزەگە اسىرامىز, ويتكەنى ءداستۇرلى تۇردە مۇنداي زاتتار وليمپيادالار, عىلىمي جارىستار جانە زياتكەرلىك ويىندار ارقىلى وتكىزىلەدى, وعان مىقتى مەكتەپتەردە ساپالى ءبىلىم الۋعا قول جەتكىزە الاتىن دايىن وقۋشىلار قاتىسادى», دەپ ءتۇسىندىردى اسلانبەك ءامرين. 

Qabilet ادىستەمەسى - بالالاردىڭ قابىلەتتەرىن ەرتە جاستان دياگنوستيكالاۋدىڭ بىرەگەي قۇرالى, ول ءبىلىم بەرۋ الەۋەتىن جان-جاقتى اشۋعا باعىتتالعان.

ء«بىزدىڭ Qabilet ادىستەمەمىز 5-6 جاستاعى بالانىڭ دارىندارىن انىقتاۋعا مۇمكىندىك بەرەدى جانە سىني ويلاۋ مەن كرەاتيۆتىلىك دياگنوستيكاسىنا اينالا وتىرىپ, مەكتەپتەگى بارلىق كەزەڭدەردە جالعاسادى. ناتيجەسىندە جەكە تۇلعانىڭ دامۋىنىڭ نەگىزگى باعىتتارىن كورسەتەتىن «دارىن ءپروفيلى» جاسالادى.  مۇنىڭ ءبارى وسىنداي بالاعا جەكە ءبىلىم بەرۋگە مۇمكىندىك بەرەدى, مەكتەپتى بىتىرگەننەن كەيىن بالا ءوز سالاسىنىڭ مامانى بولادى, ال جوعارى ءبىلىم داعدىلاردى ودان ءارى جەتىلدىرۋگە جانە ءبىلىمدى تەرەڭدەتۋگە كومەكتەسەدى. بۇل بىزگە ءوز جۇمىسىنا تەرەڭ قىزىعۋشىلىق تانىتاتىن ءار سالانىڭ كاسىپقويلارى مەن ساراپشىلارىن قالىپتاستىرۋعا مۇمكىندىك بەرەدى», دەپ تۇيىندەدى «ەلباسى اكادەمياسىنىڭ» ديرەكتورى.

«قازاقستانداعى ادامي دامۋ يندەكسىنىڭ كورسەتكىشتەرىنە سايكەس, 2020 جىلى تۋعان بالا (COVID-19-عا دەيىن) ەڭ جوعارى ونىمدىلىككە شاققاندا ورتاشا ەسەپپەن 63% جەتەدى دەپ كۇتىلۋدە. COVID-19 ناتيجەسىندە وقۋداعى بولجامدى شىعىندار ادي-دى 4 تارماققا (59%) قىسقارادى دەپ بولجانۋدا.

سونداي-اق قازاقستان وڭىرلەرى اراسىندا ادي-دا ايتارلىقتاي تەڭسىزدىك بايقالادى جانە ءبىلىم بەرۋ ساپاسى (وقىتۋ ناتيجەلەرى) ەلدەگى ادامي كاپيتال ايىرماشىلىعىنىڭ نەگىزگى فاكتورى بولادى. ادامي كاپيتالدى تەڭەستىرۋ ءۇشىن ءبىلىم بارلىق ايماقتاردا ساپالى بولۋى كەرەك. ادي كورسەتكىشى تومەن وڭىرلەرگە, ارتتا قالعان وڭىرلەرگە ينۆەستيتسيالاردى ۇلعايتۋ جانە ساياسي رەفورمالاردى ىسكە اسىرۋ ءۇشىن الەۋەتتى دامىتۋ ارقىلى حالىقتىڭ وسال توپتارىنا نازار اۋدارۋ قاجەت», دەدى دۇنيەجۇزىلىك بانكتىڭ كەڭەسشىسى الميرا زاكيەۆا.

ءىس-شاراعا دۇنيەجۇزىلىك بانكتىڭ ەلدىك ءوفيسى, British Council, قر بعم اقپاراتتىق-تالداۋ ورتالىعى, ى. التىنسارين اتىنداعى ۇلتتىق ءبىلىم اكادەمياسى, قازاقستاننىڭ قوعامدىق دامۋ ينستيتۋتى, قر پرەزيدەنتى جانىنداعى قسزي, «بەلەس» تالداۋ جانە ستراتەگيا ورتالىعى, «AMANAT» پارتياسى جانىنداعى قوعامدىق ساياسات ينستيتۋتى, BTS Education جانە باسقالارى قاتىستى.

«ەلباسى اكادەمياسى» كورپوراتيۆتىك قورى - قازاقستان رەسپۋبليكاسىنىڭ تۇڭعىش پرەزيدەنتى ن.نازارباەۆتىڭ «ەl Úmiti» باستاماسىن ىسكە اسىرۋ بويىنشا وپەراتور.  باستاما شەڭبەرىندە قازاقستان رەسپۋبليكاسى ءبىلىم جانە عىلىم مينيسترلىگىمەن, بۇكىل رەسپۋبليكا بويىنشا جەرگىلىكتى اتقارۋشى ورگاندارمەن بىرلەسىپ, 750 مىڭنان استام بالا مەن جاستاردى قامتيتىن ءبىلىم بەرۋ جوبالارى ىسكە اسىرىلىپ جاتىر.