پەتروپاۆلدا بۇعان دەيىن نومىرلەنىپ كەلگەن 16 كوشە جاڭا قازاقشا اتاۋعا يە بولدى, دەپ حابارلايدى Egemen.kz.
پەتروپاۆل قالالىق اكىمدىگىندە «سولنەچنىي-2» شاعىن اۋدانىنداعى كوشەلەرگە جاڭا اتاۋ بەرۋ بويىنشا جيىن ءوتتى.
بۇعان دەيىن قۇرىلىس, ساۋلەت جانە قالا قۇرىلىسى بولىمدەرىنەن جانە وسى شاعىن اۋداننىڭ تۇرعىندارىنان كوشەلەردى جاڭاشا اتاۋ بويىنشا 4 ءوتىنىش تۇسكەن. جۇمىس توبى ونى شىلدە ايىنىڭ باسىندا قارادى. ءتيىستى ءتارتىپ بويىنشا كوشەلەردى جاڭادان اتاۋ بويىنشا ماتەريالدار تۇراقتى كوميسسيادا قوعامدىق تىڭداۋ وتكىزۋ ءۇشىن پەتروپاۆل قالالىق ماسليحاتقا جىبەرىلدى.
جۇمىس توبىنىڭ مۇشەلەرى, سونداي-اق قالالىق ءماسليحاتتىڭ دەپۋتاتتارى, پەتروپاۆل قالاسى اكىمدىگىنىڭ وكىلدەرى, وبلىس ورتالىعىنىڭ تۇرعىندارى ورتاق شەشىمگە كەلە وتىرىپ, بۇعان دەيىن نومىرلەنىپ كەلگەن كوشە اتاۋلارىنا مىناداي اتاۋ بەرۋدى ءجون كوردى:
№1 كوشە - شاڭىراق,
№2 كوشە - ىنتىماق,
№3 كوشە - ساياحات
№4 كوشە - باياندى
№5 كوشە - شابىت
№6 كوشە - دۋمان
№7 كوشە - اققايىڭ
№8 كوشە - قاينار
№9 كوشە - دوستىق
№10 كوشە - كوكتەرەك
№11 كوشە - تاتۋلىق
№12 كوشە - سارىارقا
№13 كوشە - ۇلىتاۋ
№14 كوشە - وتباسى
№15 كوشە - جارقىن
№16 كوشە – وردا دەپ اتالدى.
«وزدەرىڭىز بايقاعان شىعارسىزدار, كوشەلەردىڭ ءبىر دە بىرەۋىنە كىسى اتىن, نە اقىننىڭ نە تانىمال تۇلعانىڭ ەسىمىن بەرگەن جوقپىز. «سولنەچنىي-2» قالانىڭ شەتكەرى اۋدانى, تۇسىنىسپەۋشىلىكتەر بولماۋى ءۇشىن وسىلايشا بەيتاراپ, ءارى ادەمى قازاقشا اتاۋ بەرۋدى دۇرىس دەپ تاپتىق», دەيدى پەتروپاۆل قالاسى اكىمىنىڭ ورىنباسارى اسقار حابيبۋلين.