بيىل ماۋسىمدا قازاقستاندا زەرگەرلىك بۇيىمدار مەن ساعاتتاردىڭ باعاسى 1,8%, ال ءبىر جىلدا 35,3% قىمباتتادى, دەپ حابارلايدى Egemen.kz.
ونىڭ ىشىندە التىن نەكە ساقينالارى جىلىنا 38,9%, قول ساعاتتارى 15,2% قىمباتتادى. وڭىرلىك بولىنىستە زەرگەرلىك بۇيىمدار مەن ساعاتتاردىڭ باعاسى سولتۇستىك قازاقستان وبلىسىندا ايتارلىقتاي وسكەن - ءبىر جىلدا 61%.
قىمبات باعالار «ۇشتىگىندە» الماتى وبلىسى (جىلىنا 60,6%) جانە نۇر-سۇلتان (جىلىنا 52,5%) قالاسى بار. بيىلعى قاڭتار – مامىر ايلارىندا زەرگەرلىك بۇيىمدار ءوندىرىسى 478,4 ملن تەڭگەنى قۇرادى. وتكەن جىلدىڭ سايكەس كەزەڭىندە كورسەتكىش 451,3 ملن تەڭگە بولعان ەدى. وڭىرلىك بولىنىستە ءوندىرىستىڭ ەڭ ۇلكەن كولەمى الماتىدا (43,3% نەمەسە 207,3 ملن تەڭگە) شوعىرلانعان. العاشقى ۇشتىك قاتارىندا نۇر-سۇلتان قالاسى مەن قاراعاندى وبلىسى بار.
جالپى 2021 جىلى سەكتورداعى ءوندىرىس 1,6 ملرد تەڭگەنى قۇرادى. بۇل 2020 جىلعا قاراعاندا ەكى ەسە كوپ.