ەلوردانىڭ قوعامدىق دەنساۋلىق ساقتاۋ باسقارماسى گاز تولتىرۋ ستانساسىنداعى ءىرى ءورت سالدارىنان زارداپ شەككەندەردىڭ جاي-كۇيى جايلى اقپارات بەردى, دەپ حابارلايدى Egemen.kz.
ۆەدومستۆو مالىمەتىنشە, ءورت كەزىندە 4 ادام زارداپ شەككەن. ولار №1 قالالىق كوپبەيىندى اۋرۋحاناعا جەتكىزىلدى.
«1995 جىلى دۇنيەگە كەلگەن ناۋقاستى ورتاشا اۋىر دەڭگەيدە تەرميالىق كۇيىك شالعان. 1992 جىلى دۇنيەگە كەلگەن ەكى جانە 1969 جىلى دۇنيەگە كەلگەن تاعى ءبىر پاتسيەنتتىڭ جاعدايى اۋىر. ۇشەۋىندە دە - ءۇشىنشى دارەجەلى كۇيىك شوگى. ناۋقاستارعا قاجەتتى بۇكىل مەديتسينالىق كومەك كورسەتىلىپ جاتىر», دەدى دەنساۋلىق ساقتاۋ باسقارماسى.
ەسكە سالا كەتەيىك, 25 شىلدە كۇنى ساعات 22.05-تە 101 پۋلتىنە قوبدا كوشەسى, 6 مەكەنجايىندا ءورت بولىپ جاتقانى تۋرالى حابارلاما تۇسكەن.
وقيعا ورنىنا جەدەل تۇردە نۇر-سۇلتان قالاسىنىڭ تجد قۇتقارۋشىلارى جىبەرىلگەن.