پرەزيدەنت قاسىم-جومارت توقاەۆتىڭ دجيددا قالاسىنا رەسمي ساپارى اياسىندا ساۋد ارابياسى تاراپىنا وردەندى سالتاناتتى تۇردە تابىستاۋ ءراسىمى ءوتتى, دەپ حابارلايدى Egemen.kz اقورداعا سىلتەمە جاساپ.
قازاقستان مەن ساۋد ارابياسى اراسىنداعى دوستىق پەن سەرىكتەستىكتى نىعايتۋعا قوسقان زور ۇلەسى ءۇشىن پرەزيدەنت قاسىم-جومارت توقاەۆ كورول سالمان بەن ابدەلازيز ءال ساۋدتى ەلىمىزدىڭ ەڭ جوعارى مەملەكەتتىك ناگراداسى – «التىن قىران» وردەنىمەن ماراپاتتادى.