ءبىر اپتادا الەم بويىنشا 6,2 ميلليوننان استام ادام كوروناۆيرۋس جۇقتىردى, دەپ حابارلايدى Egemen.kz COVID-19 تارالۋىنا جول بەرمەۋ جونىندەگى ۆەدومستۆوارالىق كوميسسياعا سىلتەمە جاساپ.
ونداعى مالىمەتتەرگە قاراعاندا, دۇنيەجۇزىلىك دەنساۋلىق ساقتاۋ ۇيىمىنىڭ (ددۇ) اپتا سايىنعى ەپيدەميولوگيالىق بيۋللەتەنىندە كوروناۆيرۋستى جۇقتىرۋ كورسەتكىشى وتكەن اپتادا وزگەرىسسىز قالعانى, ءولىم 1% تومەندەگەنى ايتىلعان. 11-17 شىلدە ارالىعىندا ەۋروپا مەن افريكادا كوروناۆيرۋستى جۇقتىرۋ سايكەسىنشە 16% جانە 27%-كە تومەندەدى.
شىعىس جەرورتا تەڭىزىندە جاڭا جاعدايلاردىڭ سانى وزگەرگەن جوق, قالعان وڭىرلەردە جۇقتىرۋ كوبەيدى, ەڭ كوپ جۇقتىرۋ تىنىق مۇحيتىنىڭ باتىس بولىگىنە (37%) تيەسىلى.
ءبىر اپتا ىشىندە بۇكىل الەمدە 6,2 ميلليوننان استام COVID-19-دى جۇقتىرۋدىڭ جاڭا جاعدايى انىقتالدى. كوروناۆيرۋستان قايتىس بولعاندار سانى امەريكا ايماعىندا (7%), شىعىس جەرورتا تەڭىزىندە (15%) جانە وڭتۇستىك-شىعىس ازيادا (20%) ءوستى. بۇل رەتتە ءولىم-ءجىتىم تىنىق مۇحيتىنىڭ باتىس بولىگىندە (3% - كە), ەۋروپادا (14% - كە) جانە افريكادا (39% - كە) تومەندەدى.