ماڭعىستاۋ وبلىسىندا «قازاقستان ءماسليحاتتارى دەپۋتاتتارىنىڭ بىرلەستىگى» رقب كەڭەسىنىڭ كوشپەلى وتىرىسى ءوتتى. جيىن بارىسىندا جەرگىلىكتى ءوزىن-ءوزى باسقارۋ تۋرالى زاڭ جوباسى تالقىلاندى. ماڭعىستاۋ وبلىسىندا «قازاقستان ءماسليحاتتارى دەپۋتاتتارىنىڭ بىرلەستىگى» رقب كەڭەسىنىڭ كوشپەلى وتىرىسى ءوتتى. جيىن بارىسىندا جەرگىلىكتى ءوزىن-ءوزى باسقارۋ تۋرالى زاڭ جوباسى تالقىلاندى.
جيىنعا ماڭعىستاۋ وبلىسىنىڭ اكىمى نۇرلان نوعاەۆ, «قازاقستان ءماسليحاتتارى دەپۋتاتتارىنىڭ بىرلەستىگى» رقب توراعاسى تولەۋبەك مۇقاشەۆ, وبلىستار مەن رەسپۋبليكالىق ماڭىزى بار قالالار ءماسليحاتتارىنىڭ حاتشىلارى, ماڭعىستاۋ وبلىستىق ءماسليحاتىنىڭ دەپۋتاتتارى, سونداي-اق قالالىق جانە اۋداندىق ءماسليحاتتاردىڭ حاتشىلارى قاتىستى.
كوشپەلى وتىرىستا «قازاقستان رەسپۋبليكاسىنداعى جەرگىلىكتى مەملەكەتتىك باسقارۋ جانە ءوزىن-ءوزى باسقارۋ تۋرالى» زاڭ جوباسى تالقىلانىپ, رەفەرەندۋمدى قولداۋ جونىندەگى قوعامدىق شتاب جۇمىسىنىڭ قورىتىندىسى تىڭدالدى.
باسقوسۋدا ءسوز العان ايماق باسشىسى اتالعان زاڭ جوباسىنىڭ حالىق ءۇشىن ماڭىزىنا توقتالىپ, رەفەرەندۋمعا جەرگىلىكتى تۇرعىنداردىڭ بەلسەنە قاتىسقانىن ايتىپ ءوتتى.
– مەملەكەت باسشىسىنىڭ قازاقستان حالقىنا جولداۋى اياسىندا ساياسي جۇيە مەن اكىمشىلىك-اۋماقتىق قۇرىلىمدى وزگەرتۋ بويىنشا ناقتى مىندەتتەر قويىلدى. وسىعان وراي وڭىرلەردىڭ دەربەستىگىن كەڭەيتۋ بويىنشا جۇمىستار جۇرگىزىلىپ, جەرگىلىكتى ءوزىن-ءوزى باسقارۋ تۋرالى زاڭ ازىرلەنىپ جاتىر. باستى مىندەت جەرگىلىكتى ءوزىن-ءوزى باسقارۋ ورگاندارى وكىلەتتىكتەرىن كەڭەيتۋگە, جەرگىلىكتى اتقارۋشى, ءوزىن-ءوزى باسقارۋ ورگاندارى جۇمىسىنىڭ تيىمدىلىگىن قامتاماسىز ەتۋگە باعىتتالعان, – دەدى نۇرلان نوعاەۆ.
ءىس-شاراعا قاتىسۋشىلار «قازاقستان رەسپۋبليكاسىنداعى جەرگىلىكتى مەملەكەتتىك باسقارۋ جانە ءوزىن-ءوزى باسقارۋ تۋرالى» زاڭ جوباسى بويىنشا بايانداما جاساپ, ءوز ۇسىنىستارى مەن پىكىرلەرىن ورتاعا سالدى.
ماڭعىستاۋ وبلىسى