پاۆلودار وبلىسىنداعى 12 مەكتەپكە قازاقتىڭ بەلگىلى تاريحي تۇلعالارىنىڭ ەسىمى بەرىدى, دەپ حابارلايدى Egemen.kz.
«پاۆلودار قالاسىنداعى №20 مەكتەپ-ليتسەيىنە - ءاليحان بوكەيحاننىڭ, №34 يننوۆاتسيالىق مەكتەبىنە - احمەت بايتۇرسىن ۇلىنىڭ, №1 مەكتەبىنە - مالايسارى باتىردىڭ, №23 مەكتەبىنە – رافيكا نۇرتازينانىڭ, №16 مەكتەپ-ليتسەيىنە - امانجول شامكەنوۆتىڭ, №9 گيمنازيا-مەكتەبىنە - شاپىق شوكيننىڭ, №28 مەكتەپكە - سۇلتانماحمۇت تورايعىروۆتىڭ, №19 مەكتەپكە - ءماشھۇر ءجۇسىپتىڭ, №37 مەكتەپكە - جۇمابەك تاشەنوۆتىڭ ەسىمى بەرىلسىن. سونداي-اق اقسۋ قالاسىنداعى №1 قازاق ورتا مەكتەبى - ىبىراي ءالتىنساريننىڭ, №2 مەكتەبى – ابايدىڭ, اقسۋ قالاسىنداعى دارىندى بالالارعا ارنالعان گيمنازيا قانىش ساتباەۆتىڭ ەسىمىمەن اتالسىن», دەلىنگەن ۇكىمەت قاۋلىسىندا .